Almatyda sanitarlyq talapty saqtamaǵan Kók bazar basshylyǵyna 1 mln 722 myń teńge aiyppul salyndy. Bul týraly onlain brifing barysynda qalanyń bas sanitarlyq dárigeri Jandarbek Bekshin aitty, dep habarlaidy "Ult aqparat".
«Ózderińiz bilesizder, naýryzda Almatyda koronavirýs kóbinese syrttan kelgen adamdardan tabyldy. Qazir virýs taralý kórsetkishi artyp keledi. Kóbinese adamdardyń ózderi emdeý mekemelerine habarlasyp jatyr. Onyń ishinde «Rahat» fabrikasyn, Kók bazardy aitýǵa bolady. «Rahat» fabrikasy óz erkimen 2 aptaǵa jabyldy. Kók bazardyń jumysy sot sheshimimen 1 aiǵa toqtatyldy. Sebebi tórt organnyń ókilderinen quralǵan monitoring jumystary barysynda berilgen eskertýlerdi ýaqytynda oryndamaǵany úshin bazar basshylyǵyna 1 mln 722 myń teńge aiyppul salyndy», - dedi Jandarbek Bekshin.
Almatydaǵy Kók bazarda koronavirýs 20 adamnan anyqtalǵany týraly munyń aldynda jazǵan edik.
Odan keiin taǵy bir adamnyń taldaýy oń nátije kórsetken.
