Qazaqstanda 2027 jyldan bastap zeinetaqy júiesine birqatar ózgeris engiziledi, dep habarlaidy ult.kz.
Eń bastysy – mindetti zeinetaqy jarnalarynyń saqtalýyna beriletin memlekettik kepildik kúshinde qalady, ózgeris tek ótemaqy tóleý tetigine qatysty bolmaq.
Bul týraly Eńbek jáne halyqty áleýmettik qorǵaý ministrligi málimdedi.
Vedomstvonyń túsindirýinshe, qoldanystaǵy Áleýmettik kodekste bekitilgen memlekettik kepildikke eshqandai ózgeris engizilmeidi. Iaǵni memleket burynǵydai mindetti zeinetaqy jarnalarynyń saqtalýyna kepildik beredi.
Negizgi ózgeris – 2027 jyldan bastap investitsiialyq kiris pen infliatsiia arasyndaǵy aiyrmany óteý tetigi jańartylady. Bul ózgeris azamattardyń zeinetaqy jinaqtaryn ózderi basqarý múmkindiginiń keńeiýine bailanysty engizilip otyr.
Buǵan deiin salymshylar zeinetaqy jinaqtarynyń 50%-yn ǵana jeke investitsiialyq portfeldi basqarýshyǵa bere alsa, endi jinaqtyń 100%-yn senimgerlik basqarýǵa berý múmkindigi qarastyrylǵan. Sonymen qatar azamattar basqarýshy kompaniiany, investitsiialyq strategiiany jáne táýekel deńgeiin ózderi tańdai alady.
Ministrlik Ulttyq bank zeinetaqy aktivterin basqarýdy jalǵastyratynyn jáne uzaq merzimdi kezeńde infliatsiiadan joǵary tabystylyqqa qol jetkizý maqsaty saqtalatynyn atap ótti.
Sondai-aq investitsiialyq portfeldi basqarýshy kompaniialarǵa qoiylatyn talaptar kúsheitilgen. Eger zańda belgilengen eń tómengi kiristilikke qol jetkizilmese, basqarýshy kompaniia aiyrmany óz qarajaty esebinen óteýge mindetti.
Osylaisha, engiziletin ózgerister azamattardyń zeinetaqy jinaqtaryn basqarý múmkindigin keńeitýge baǵyttalǵan. Al memlekettik kepildik tolyq kólemde saqtalady, sondyqtan salymshylardyń mindetti zeinetaqy jarnalarynyń saqtalýyna qatysty quqyqtary ózgermeidi.
