قازاقستاندا 2027 جىلدان باستاپ زەينەتاقى جٷيەسٸنە بٸرقاتار ٶزگەرٸس ەنگٸزٸلەدٸ, دەپ حابارلايدى ult.kz.
ەڭ باستىسى – مٸندەتتٸ زەينەتاقى جارنالارىنىڭ ساقتالۋىنا بەرٸلەتٸن مەملەكەتتٸك كەپٸلدٸك كٷشٸندە قالادى, ٶزگەرٸس تەك ٶتەماقى تٶلەۋ تەتٸگٸنە قاتىستى بولماق.
بۇل تۋرالى ەڭبەك جەنە حالىقتى ەلەۋمەتتٸك قورعاۋ مينيسترلٸگٸ مەلٸمدەدٸ.
ۆەدومستۆونىڭ تٷسٸندٸرۋٸنشە, قولدانىستاعى ەلەۋمەتتٸك كودەكستە بەكٸتٸلگەن مەملەكەتتٸك كەپٸلدٸككە ەشقانداي ٶزگەرٸس ەنگٸزٸلمەيدٸ. ياعني مەملەكەت بۇرىنعىداي مٸندەتتٸ زەينەتاقى جارنالارىنىڭ ساقتالۋىنا كەپٸلدٸك بەرەدٸ.
نەگٸزگٸ ٶزگەرٸس – 2027 جىلدان باستاپ ينۆەستيتسييالىق كٸرٸس پەن ينفلياتسييا اراسىنداعى ايىرمانى ٶتەۋ تەتٸگٸ جاڭارتىلادى. بۇل ٶزگەرٸس ازاماتتاردىڭ زەينەتاقى جيناقتارىن ٶزدەرٸ باسقارۋ مٷمكٸندٸگٸنٸڭ كەڭەيۋٸنە بايلانىستى ەنگٸزٸلٸپ وتىر.
بۇعان دەيٸن سالىمشىلار زەينەتاقى جيناقتارىنىڭ 50%-ىن عانا جەكە ينۆەستيتسييالىق پورتفەلدٸ باسقارۋشىعا بەرە السا, ەندٸ جيناقتىڭ 100%-ىن سەنٸمگەرلٸك باسقارۋعا بەرۋ مٷمكٸندٸگٸ قاراستىرىلعان. سونىمەن قاتار ازاماتتار باسقارۋشى كومپانييانى, ينۆەستيتسييالىق ستراتەگييانى جەنە تەۋەكەل دەڭگەيٸن ٶزدەرٸ تاڭداي الادى.
مينيسترلٸك ۇلتتىق بانك زەينەتاقى اكتيۆتەرٸن باسقارۋدى جالعاستىراتىنىن جەنە ۇزاق مەرزٸمدٸ كەزەڭدە ينفلياتسييادان جوعارى تابىستىلىققا قول جەتكٸزۋ ماقساتى ساقتالاتىنىن اتاپ ٶتتٸ.
سونداي-اق ينۆەستيتسييالىق پورتفەلدٸ باسقارۋشى كومپانييالارعا قويىلاتىن تالاپتار كٷشەيتٸلگەن. ەگەر زاڭدا بەلگٸلەنگەن ەڭ تٶمەنگٸ كٸرٸستٸلٸككە قول جەتكٸزٸلمەسە, باسقارۋشى كومپانييا ايىرمانى ٶز قاراجاتى ەسەبٸنەن ٶتەۋگە مٸندەتتٸ.
وسىلايشا, ەنگٸزٸلەتٸن ٶزگەرٸستەر ازاماتتاردىڭ زەينەتاقى جيناقتارىن باسقارۋ مٷمكٸندٸگٸن كەڭەيتۋگە باعىتتالعان. ال مەملەكەتتٸك كەپٸلدٸك تولىق كٶلەمدە ساقتالادى, سوندىقتان سالىمشىلاردىڭ مٸندەتتٸ زەينەتاقى جارنالارىنىڭ ساقتالۋىنا قاتىستى قۇقىقتارى ٶزگەرمەيدٸ.
