Foto: KazTAG
Ishki ister ministrligi Ákimshilik politsiia komiteti tóraǵasynyń orynbasary Álibek Keńesbaevtyń málimetinshe, júrgizýshi kýálikterinen chip alynyp tastalady. Degenmen qujattyń baǵasy ózgermeidi, sebebi memlekettik baj salyǵynyń mólsheri Salyq kodeksinde bekitilgen, dep habarlaidy Ult.kz.
«Júrgizýshi kýáligin berý úshin memlekettik baj Salyq kodeksinde belgilengen. Ol burynǵysynsha qalady, óitkeni tólem qujatty berý protsesi úshin alynady», - dedi Álibek Keńesbaev.
Onyń aitýynsha, chiptiń qajettiligi joiylǵan, sebebi jol politsiiasy qyzmetkerleri barlyq derekterdi memlekettik bazalardan onlain rejiminde ala alady. Sondyqtan júrgizýshilerge kýálikti ózimen birge alyp júrý mindetti bolmaidy.
Buryn berilgen júrgizýshi kýálikteri óz merzimi aiaqtalǵanǵa deiin jaramdy bolyp qala beredi. Al chipsiz jańa kýálikter 2026 jyldyń birinshi jartysynan bastap beriledi. Qujattyń dizainy ózgerissiz qalady. Sonymen qatar júrgizýshi kýáliginde adam óliminen keiingi donorlyq týraly aqparat ornalastyrylmaidy.
