فوتو: كازتاگ
ٸشكٸ ٸستەر مينيسترلٸگٸ ەكٸمشٸلٸك پوليتسييا كوميتەتٸ تٶراعاسىنىڭ ورىنباسارى ەلٸبەك كەڭەسباەۆتىڭ مەلٸمەتٸنشە, جٷرگٸزۋشٸ كۋەلٸكتەرٸنەن چيپ الىنىپ تاستالادى. دەگەنمەن قۇجاتتىڭ باعاسى ٶزگەرمەيدٸ, سەبەبٸ مەملەكەتتٸك باج سالىعىنىڭ مٶلشەرٸ سالىق كودەكسٸندە بەكٸتٸلگەن, دەپ حابارلايدى Ult.kz.
«جٷرگٸزۋشٸ كۋەلٸگٸن بەرۋ ٷشٸن مەملەكەتتٸك باج سالىق كودەكسٸندە بەلگٸلەنگەن. ول بۇرىنعىسىنشا قالادى, ٶيتكەنٸ تٶلەم قۇجاتتى بەرۋ پروتسەسٸ ٷشٸن الىنادى», - دەدٸ ەلٸبەك كەڭەسباەۆ.
ونىڭ ايتۋىنشا, چيپتٸڭ قاجەتتٸلٸگٸ جويىلعان, سەبەبٸ جول پوليتسيياسى قىزمەتكەرلەرٸ بارلىق دەرەكتەردٸ مەملەكەتتٸك بازالاردان ونلاين رەجيمٸندە الا الادى. سوندىقتان جٷرگٸزۋشٸلەرگە كۋەلٸكتٸ ٶزٸمەن بٸرگە الىپ جٷرۋ مٸندەتتٸ بولمايدى.
بۇرىن بەرٸلگەن جٷرگٸزۋشٸ كۋەلٸكتەرٸ ٶز مەرزٸمٸ اياقتالعانعا دەيٸن جارامدى بولىپ قالا بەرەدٸ. ال چيپسٸز جاڭا كۋەلٸكتەر 2026 جىلدىڭ بٸرٸنشٸ جارتىسىنان باستاپ بەرٸلەدٸ. قۇجاتتىڭ ديزاينى ٶزگەرٸسسٸز قالادى. سونىمەن قاتار جٷرگٸزۋشٸ كۋەلٸگٸندە ادام ٶلٸمٸنەن كەيٸنگٸ دونورلىق تۋرالى اقپارات ورنالاستىرىلمايدى.
