Foto: ashyq derekkóz
Memleket basshysy Qasym-Jomart Toqaev 2026 jyldy Qazaqstanda Tsifrlandyrý jáne jasandy intellekt jyly dep jariialady. Bul týraly Prezident eldiń aldaǵy damý baǵyttary jóninde sóilegen sózinde málimdedi, dep habarlaidy Ult.kz.
Prezidenttiń aitýynsha, 2026 jyly Qazaqstan jańǵyrýdyń jańa kezeńine qadam basady. Aldaǵy konstitýtsiialyq reformalar eldiń ósip-órkendeýine tyń serpin beredi. Memleket basshysy azamattar bul ózgeristerdi qoldaitynyna senim bildirdi.
Sonymen qatar energetikalyq áleýetti nyǵaitý, agroónerkásip keshenin damytý, sý sharýashylyǵy máselelerin sheshý, kólik-logistika salasy men turǵyn úi-kommýnaldyq infraqurylymdy jetildirý jumystary jalǵasa bermek.
Prezident shaǵyn jáne orta biznesti qoldaý memleket nazarynda qala beretinin atap ótti. Barlyq óńirde jańa kásiporyndar ashylyp, joldar jóndeledi. Sondai-aq turǵyn úiler, mektepter, densaýlyq saqtaý, sport jáne mádeniet nysandary salynbaq.
– Men biylǵy Joldaýymda elimizdiń tsifrlyq memleketke ainalýy qajettigin aittym. Osyǵan bailanysty kelesi jyldy Tsifrlandyrý jáne jasandy intellekt jyly dep jariialaý týraly sheshim qabyldadym. Ozyq tehnologiialar barlyq salanyń áleýetin arttyrýǵa múmkindik beredi, – dedi Memleket basshysy.
Prezident óskeleń urpaqqa qamqorlyq kórsetý memlekettiń basty mindeti ekenin de atap ótti. «Ulttyq qor – balalarǵa» jobasy aiasynda úshinshi jyl qatarynan ár balanyń esepshotyna qarajat aýdarylatynyn jetkizdi.
Sonymen birge memleket áleýmettik mindettemelerin tolyq oryndaitynyn, bilim berý men densaýlyq saqtaý salalary árdaiym erekshe nazarda bolatynyn aitty.
