فوتو: اشىق دەرەككٶز
مەملەكەت باسشىسى قاسىم-جومارت توقاەۆ 2026 جىلدى قازاقستاندا تسيفرلاندىرۋ جەنە جاساندى ينتەللەكت جىلى دەپ جارييالادى. بۇل تۋرالى پرەزيدەنت ەلدٸڭ الداعى دامۋ باعىتتارى جٶنٸندە سٶيلەگەن سٶزٸندە مەلٸمدەدٸ, دەپ حابارلايدى Ult.kz.
پرەزيدەنتتٸڭ ايتۋىنشا, 2026 جىلى قازاقستان جاڭعىرۋدىڭ جاڭا كەزەڭٸنە قادام باسادى. الداعى كونستيتۋتسييالىق رەفورمالار ەلدٸڭ ٶسٸپ-ٶركەندەۋٸنە تىڭ سەرپٸن بەرەدٸ. مەملەكەت باسشىسى ازاماتتار بۇل ٶزگەرٸستەردٸ قولدايتىنىنا سەنٸم بٸلدٸردٸ.
سونىمەن قاتار ەنەرگەتيكالىق ەلەۋەتتٸ نىعايتۋ, اگروٶنەركەسٸپ كەشەنٸن دامىتۋ, سۋ شارۋاشىلىعى مەسەلەلەرٸن شەشۋ, كٶلٸك-لوگيستيكا سالاسى مەن تۇرعىن ٷي-كوممۋنالدىق ينفراقۇرىلىمدى جەتٸلدٸرۋ جۇمىستارى جالعاسا بەرمەك.
پرەزيدەنت شاعىن جەنە ورتا بيزنەستٸ قولداۋ مەملەكەت نازارىندا قالا بەرەتٸنٸن اتاپ ٶتتٸ. بارلىق ٶڭٸردە جاڭا كەسٸپورىندار اشىلىپ, جولدار جٶندەلەدٸ. سونداي-اق تۇرعىن ٷيلەر, مەكتەپتەر, دەنساۋلىق ساقتاۋ, سپورت جەنە مەدەنيەت نىساندارى سالىنباق.
– مەن بيىلعى جولداۋىمدا ەلٸمٸزدٸڭ تسيفرلىق مەملەكەتكە اينالۋى قاجەتتٸگٸن ايتتىم. وسىعان بايلانىستى كەلەسٸ جىلدى تسيفرلاندىرۋ جەنە جاساندى ينتەللەكت جىلى دەپ جارييالاۋ تۋرالى شەشٸم قابىلدادىم. وزىق تەحنولوگييالار بارلىق سالانىڭ ەلەۋەتٸن ارتتىرۋعا مٷمكٸندٸك بەرەدٸ, – دەدٸ مەملەكەت باسشىسى.
پرەزيدەنت ٶسكەلەڭ ۇرپاققا قامقورلىق كٶرسەتۋ مەملەكەتتٸڭ باستى مٸندەتٸ ەكەنٸن دە اتاپ ٶتتٸ. «ۇلتتىق قور – بالالارعا» جوباسى اياسىندا ٷشٸنشٸ جىل قاتارىنان ەر بالانىڭ ەسەپشوتىنا قاراجات اۋدارىلاتىنىن جەتكٸزدٸ.
سونىمەن بٸرگە مەملەكەت ەلەۋمەتتٸك مٸندەتتەمەلەرٸن تولىق ورىندايتىنىن, بٸلٸم بەرۋ مەن دەنساۋلىق ساقتاۋ سالالارى ەردايىم ەرەكشە نازاردا بولاتىنىن ايتتى.
