قازاقستان پرەزيدەنتٸ قاسىم-جومارت توقاەۆ ورتالىق ازييا جەنە ەزەربايجان مەملەكەتتەرٸ باسشىلارىنىڭ VIII كونسۋلتاتيۆتٸك كەزدەسۋٸندە ٶڭٸردەگٸ ٶزارا ساۋدا كٶلەمٸن كەمٸندە 20 ملرد دوللارعا جەتكٸزۋدٸ ۇسىندى, دەپ حابارلايدى ult.kz.
مەملەكەت باسشىسىنىڭ ايتۋىنشا, بىلتىر ورتالىق ازييا ەلدەرٸ اراسىنداعى ساۋدا كٶلەمٸ شامامەن 13 ملرد دوللاردى قۇراعان. بۇل مەملەكەتتەردٸڭ جالپى تاۋار اينالىمىنىڭ شامامەن 8 پايىزى.
وسىعان بايلانىستى توقاەۆ ٷكٸمەتتەرگە ٶزارا ساۋدا ٷلەسٸن ارتتىرۋ ٷشٸن بٸرلەسكەن ٸس-قيمىل جوسپارىن ەزٸرلەپ, قابىلداۋدى ۇسىندى.
«ٸشكٸ نارىق ەلەۋەتٸ ەلٸ دە زور. سوندىقتان ٷكٸمەتتەرٸمٸزگە ٶزارا ساۋدا ٷلەسٸن ارتتىرىپ, وسى كٶرسەتكٸشتٸ كەمٸندە 20 ميلليارد دوللارعا جەتكٸزۋ ٷشٸن بٸرلەسكەن ٸس-قيمىل جوسپارىن ەزٸرلەۋ جەنە قابىلداۋ جٶنٸندە مٸندەت جٷكتەگەن دۇرىس», – دەدٸ پرەزيدەنت.
كاسپيي ارقىلى جٷك تاسىمالى تٶرت ەسە ٶسۋٸ مٷمكٸن
قاسىم-جومارت توقاەۆ ٶڭٸردەگٸ كٶلٸك ينفراقۇرىلىمىن دامىتۋعا دا توقتالدى.
ونىڭ ايتۋىنشا, مويىنتى – قىزىلجار جەنە داربازا – ماقتاارال تەمٸرجول جەلٸلەرٸنٸڭ قۇرىلىسى اياقتالۋعا جاقىن. كەلەسٸ جىلى باقتى – اياگٶز باعىتىن اشۋ جوسپارلانعان.
سونداي-اق قىتايدى كاسپيي تەڭٸزٸ جەنە ەۋروپا نارىعىمەن بايلانىستىراتىن ارال – كاسپيي ماگيسترالٸنٸڭ قۇرىلىسى باستالعانىن ايتتى.
پرەزيدەنت دٷنيەجٷزٸلٸك بانكتٸڭ باعالاۋىنشا, جوسپارلانعان ينفراقۇرىلىمدىق جوبالار تولىق جٷزەگە اسسا, 2040 جىلعا قاراي كاسپيي ارقىلى جٷك تاسىمالى تٶرت ەسە ۇلعايۋى مٷمكٸن ەكەنٸن جەتكٸزدٸ.
توقاەۆ سۋ مەسەلەسٸن شەشۋگە شاقىردى
مەملەكەت باسشىسى ترانسشەكارالىق سۋ رەسۋرستارىن باسقارۋدى ورتالىق ازييا تۇراقتىلىعى ٷشٸن ماڭىزدى مەسەلەلەردٸڭ بٸرٸ دەپ اتادى.
ول بارلىق ەلدەردٸڭ مٷددەسٸن ەسكەرەتٸن, ٶزارا قۇرمەت پەن تەڭقۇقىلىق قاعيداتتارىنا نەگٸزدەلگەن جاڭا تەسٸلدەر قاجەت ەكەنٸن ايتتى.
توقاەۆ ورتالىق ازييانىڭ سۋ پايدالانۋ بويىنشا نەگٸزدەمەلٸك كونۆەنتسيياسىن قابىلداۋدى ۇسىندى. سونداي-اق بۇۇ اياسىندا حالىقارالىق سۋ ۇيىمىن قۇرۋ باستاماسىن بٸرگە ٸلگەرٸلەتۋگە شاقىردى.
ورتالىق ازييا مەن ەزەربايجانعا AI بويىنشا سەرٸكتەستٸك قۇرۋ ۇسىنىلدى
پرەزيدەنت جاساندى ينتەللەكت سالاسىنداعى ىنتىماقتاستىقتى كٷشەيتۋدٸ دە ۇسىندى.
قازاقستاننىڭ AI ەكوجٷيەسٸن قالىپتاستىرىپ جاتقانىن ايتقان توقاەۆ ورتالىق ازييا ەلدەرٸ مەن ەزەربايجان اراسىندا جاساندى ينتەللەكت بويىنشا سەرٸكتەستٸك قۇرۋ مٷمكٸندٸگٸن قاراستىرۋدى ۇسىندى.
ونىڭ اياسىندا عىلىمي ورتالىقتار, ۋنيۆەرسيتەتتەر مەن تەحنولوگييالىق كومپانييالار اقپارات جەنە تەجٸريبە الماسا الادى.
سونىمەن قاتار قازاقستان پرەزيدەنتٸ نەيروجەلٸلەردٸ قاۋٸپسٸز ەرٸ جاۋاپكەرشٸلٸكپەن پايدالانۋ مەسەلەسٸنە نازار اۋدارىپ, وسى باعىتتا ورتاق دەكلاراتسييا ەزٸرلەۋدٸ ۇسىندى.
ايماق ەلدەرٸ ٷشٸن قاۋٸپسٸزدٸك مەسەلەسٸ دە ٶزەكتٸ
توقاەۆ تەرروريزم, ەسٸرتكٸ بيزنەسٸ, قارۋ-جاراق جەنە ادام ساۋداسى, زاڭسىز كٶشٸ-قون, ۇيىمداسقان قىلمىس پەن الاياقتىقتى ٶڭٸر قاۋٸپسٸزدٸگٸنە تٶنەتٸن قاتەرلەردٸڭ قاتارىنا قوستى.
ول تسيفرلىق تەحنولوگييالاردىڭ قىلمىستىق توپتار مەن لاڭكەستەردٸڭ قولىنا تٷسۋ قاۋپٸنە الاڭداۋشىلىق بٸلدٸردٸ.
پرەزيدەنت سونداي-اق ورتالىق ازييا مەن ەزەربايجان اراسىنداعى مەدەني-گۋمانيتارلىق بايلانىستاردى تەرەڭدەتۋگە شاقىرىپ, ايماقتىق تەلەارنا اشۋ باستاماسىن كٶتەردٸ.
