Almaty oblysynda «Dog House — Tvardovskii dom» janýarlar panajaiyn qurǵan Vladimir Tepliakov qaza tapty. Onyń óliminen keiin panajaidaǵy 90-ǵa jýyq it qaraýsyz qalǵan. Qazir eriktiler janýarlarǵa jańa ieler izdep jatyr, dep habarlaidy ult.kz.
Politsiia málimetinshe, 7 qazanda adam óltirý deregi boiynsha qylmystyq is qozǵalǵan. Qazir oqiǵaǵa qatysy bar adamdardy anyqtaý jáne ustaý úshin tergeý men jedel-izdestirý sharalary júrgizilip jatyr.
Almaty oblysy politsiia departamentiniń baspasóz qyzmeti oqiǵanyń barlyq mán-jaiy anyqtalyp jatqanyn habarlady. Tergeý departament basshylyǵynyń baqylaýynda. Qylmystyq-protsestik kodekstiń 201-babyna sáikes, tergeý múddesine bailanysty ózge aqparat jariialanbaidy.
Vladimir Tepliakovtyń qaza bolǵany týraly erikti Arsen Qabdenov te áleýmettik jelide habarlady. Onyń aitýynsha, panajaidyń negizin qalaýshy 2015 jyly ulynyń esimimen atalǵan janýarlar panajaiyn qurǵan.
Osy jyldar ishinde panajai birneshe ret qonys aýdarýǵa májbúr bolyp, túrli qiyndyqty bastan ótkergen. Endi eriktiler onda qalǵan janýarlarǵa qamqor bolatyn adamdardy izdep jatyr.
