Memleket basshysy Qasym-Jomart Toqaev Halyqaralyq shahmat federatsiiasynyń (FIDE) prezidenti Timýr Týrlovty qabyldady, dep habarlaidy ult.kz.
Prezident Timýr Týrlovty FIDE prezidenti bolyp sailanýymen quttyqtady. Qasym-Jomart Toqaev bul jetistik Qazaqstan men otandyq shahmat mektebiniń halyqaralyq arenadaǵy bedeli artyp kele jatqanyn kórsetetinin atap ótti.
Memleket basshysy Qazaqstanda shahmattyń orny erekshe ekenin aitty. Onyń sózinshe, shahmat sport túri ǵana emes, óskeleń urpaqtyń ziiatkerlik qabiletin damytýǵa yqpal etetin mańyzdy qural.
Qazir elimizde shahmatpen 278 myńnan astam adam turaqty túrde ainalysady.
Prezident Samarqandta ótken Dúniejúzilik shahmat olimpiadasynda kúmis medal jeńip alǵan Qazaqstannyń áielder quramasynyń jetistigin de atap ótti.
Kezdesýde Qazaqstan shahmat federatsiiasynyń aldaǵy mindetteri talqylandy. Toqaev qurama komandalardyń daiyndyǵyn kúsheitý, jas talanttardy anyqtap, daiarlaý júiesin jetildirý, bilim berý salasynda shahmatty damytý jáne óńirlerdegi shahmat infraqurylymyn keńeitý qajettigin aitty.
Sondai-aq otandyq bapkerler men tóreshilerdiń biliktiligin arttyrý, birlesken bilim berý jobalaryn iske asyrý jáne Qazaqstanda iri halyqaralyq shahmat jarystaryn ótkizý úshin Qazaqstan shahmat federatsiiasy men FIDE arasyndaǵy yntymaqtastyqty nyǵaitý mańyzdy ekenine nazar aýdardy.
Óz kezeginde Timýr Týrlov shahmatty damytýǵa kórsetken qoldaýy úshin Memleket basshysyna alǵys bildirdi. FIDE prezidenti shahmatty álemde keńinen nasihattaý jáne halyqaralyq yntymaqtastyqty kúsheitý baǵytyndaǵy jańa jobalar týraly aitty.
