Májilistegi Úkimet saǵatynda QR Mádeniet jáne sport ministri Dáýren Abaev Halyqaralyq týrizm jáne meimandostyq ýniversitetiniń múmkindigi týraly aityp berdi, dep habarlaidy QazAqparat.
«Biz 2025 jylǵa qarai týrizm salasynda 60 myńǵa jýyq jańa jumys ornyn ashýdy kózdep otyrmyz. Investitsiialyq jáne infraqurylymdyq jobalardy iske asyrý da, sondai-aq ekonomikanyń túrli salalarynda halyqtyń jumyspen qamtylýyna jol ashatyn týrbiznes qyzmetin jandandyrý da osyǵan yqpal etedi. Bul bilikti kadrlarǵa degen suranysty arttyrady», - dedi Abaev.
Osy oraida ol 2020 jyldan bastap Túrkistan qalasynda beiindi Halyqaralyq týrizm jáne meimandostyq ýniversiteti jumys istei bastaǵanyn, onda 7 baǵyt boiynsha 1 300-den astam stýdent oqitynyn eske saldy.
«Ýniversitet 2021 jylǵy jeltoqsanda Birikken Ulttar Uiymynyń Dúniejúzilik týristik uiymy (IýNVTO) Bas Assambleiasynyń akkredittelgen múshesi boldy. Túrkiia, Frantsiia, Portýgaliia, Avstriia, Vengriia jáne basqa elderdiń jetekshi joǵary oqý oryndarymen yntymaqtastyq ornatyldy.
Búginde ýniversitet dýaldy bilim berýdi tabysty júzege asyrý arqyly halyqaralyq ozyq tájiribe almasatyn salalyq habqa ainalyp keledi. Qazir ýniversitet janynan IýNVTO akademiiasyn ashý, sondai-aq, IýNESKO ǵylymi-zertteý ortalyǵyn qurý boiynsha kelissózder júrgizilip jatyr. Sondai-aq ýniversitet bazasynda meimandostyq salasy boiynsha sheteldik jetekshi joǵary oqý oryndarynyń filialyn ashý múmkindikteri qarastyrylýda», - dedi ministr.
