مەجٸلٸستەگٸ ٷكٸمەت ساعاتىندا قر مەدەنيەت جەنە سپورت مينيسترٸ دەۋرەن اباەۆ حالىقارالىق تۋريزم جەنە مەيماندوستىق ۋنيۆەرسيتەتٸنٸڭ مٷمكٸندٸگٸ تۋرالى ايتىپ بەردٸ, دەپ حابارلايدى قازاقپارات.
«بٸز 2025 جىلعا قاراي تۋريزم سالاسىندا 60 مىڭعا جۋىق جاڭا جۇمىس ورنىن اشۋدى كٶزدەپ وتىرمىز. ينۆەستيتسييالىق جەنە ينفراقۇرىلىمدىق جوبالاردى ٸسكە اسىرۋ دا, سونداي-اق ەكونوميكانىڭ تٷرلٸ سالالارىندا حالىقتىڭ جۇمىسپەن قامتىلۋىنا جول اشاتىن تۋربيزنەس قىزمەتٸن جانداندىرۋ دا وسىعان ىقپال ەتەدٸ. بۇل بٸلٸكتٸ كادرلارعا دەگەن سۇرانىستى ارتتىرادى», - دەدٸ اباەۆ.
وسى ورايدا ول 2020 جىلدان باستاپ تٷركٸستان قالاسىندا بەيٸندٸ حالىقارالىق تۋريزم جەنە مەيماندوستىق ۋنيۆەرسيتەتٸ جۇمىس ٸستەي باستاعانىن, وندا 7 باعىت بويىنشا 1 300-دەن استام ستۋدەنت وقيتىنىن ەسكە سالدى.
«ۋنيۆەرسيتەت 2021 جىلعى جەلتوقساندا بٸرٸككەن ۇلتتار ۇيىمىنىڭ دٷنيەجٷزٸلٸك تۋريستٸك ۇيىمى (يۋنۆتو) باس اسسامبلەياسىنىڭ اككرەديتتەلگەن مٷشەسٸ بولدى. تٷركييا, فرانتسييا, پورتۋگالييا, اۆسترييا, ۆەنگرييا جەنە باسقا ەلدەردٸڭ جەتەكشٸ جوعارى وقۋ ورىندارىمەن ىنتىماقتاستىق ورناتىلدى.
بٷگٸندە ۋنيۆەرسيتەت دۋالدى بٸلٸم بەرۋدٸ تابىستى جٷزەگە اسىرۋ ارقىلى حالىقارالىق وزىق تەجٸريبە الماساتىن سالالىق حابقا اينالىپ كەلەدٸ. قازٸر ۋنيۆەرسيتەت جانىنان يۋنۆتو اكادەميياسىن اشۋ, سونداي-اق, يۋنەسكو عىلىمي-زەرتتەۋ ورتالىعىن قۇرۋ بويىنشا كەلٸسسٶزدەر جٷرگٸزٸلٸپ جاتىر. سونداي-اق ۋنيۆەرسيتەت بازاسىندا مەيماندوستىق سالاسى بويىنشا شەتەلدٸك جەتەكشٸ جوعارى وقۋ ورىندارىنىڭ فيليالىن اشۋ مٷمكٸندٸكتەرٸ قاراستىرىلۋدا», - دەدٸ مينيستر.
