Foto: © Sputnik / Abzal Kaliev
Úkimet "2024-2026 jyldarǵa arnalǵan respýblikalyq biýdjet týraly" zań jobasynda 2024 jylǵa arnalǵan qazaqstandyqtarǵa tólenetin tólemder men aiyppuldardy esepteý úshin qajetti eń tómengi jalaqy, zeinetaqy, ailyq eseptik kórsetkish jáne basqa da kórsetkishterdiń jańa mólsherin bekitti, - dep habarlaidy Tengrinews.kz saity.
Qazir bul zań jobasy Májiliste qabyldanyp, Senatta qaralyp jatyr. Eger Parlament zań jobasyn maquldap, Prezident Qasym-Jomart Toqaev qol qoisa, 2024 jyldan bastap kelesi kórsetkishter belgilenedi.
Eń tómengi jalaqy 85 myń teńge bolady – 15 myń teńgege ósedi. Bul jumys berýshiler jumysshylarǵa eń tómengi jalaqydan tómen emes deńgeide jalaqy berýge mindetti degendi bildiredi.
Memlekettik bazalyq zeinetaqy tóleminiń eń tómengi mólsheri – 28 215 teńge (3 874 teńgege ósedi).
Birlesken zeinetaqynyń eń tómengi mólsheri – 57 853 teńge (4777 teńgege ósedi).
Ailyq eseptik kórsetkish 3692 teńge (242 teńgege ósedi).
Bul - Qazaqstanda zeinetaqy, járdemaqy, áleýmettik tólemder ósedi degen sóz. Sonymen qatar aiyppuldar, salyqtar jáne basqa da tólemder, sondai-aq birlesken qyzmet týraly kelisimder boiynsha esep aiyrysýlar ósedi.
