فوتو: © Sputnik / ابزال كاليەۆ
ٷكٸمەت "2024-2026 جىلدارعا ارنالعان رەسپۋبليكالىق بيۋدجەت تۋرالى" زاڭ جوباسىندا 2024 جىلعا ارنالعان قازاقستاندىقتارعا تٶلەنەتٸن تٶلەمدەر مەن ايىپپۇلداردى ەسەپتەۋ ٷشٸن قاجەتتٸ ەڭ تٶمەنگٸ جالاقى, زەينەتاقى, ايلىق ەسەپتٸك كٶرسەتكٸش جەنە باسقا دا كٶرسەتكٸشتەردٸڭ جاڭا مٶلشەرٸن بەكٸتتٸ, - دەپ حابارلايدى Tengrinews.kz سايتى.
قازٸر بۇل زاڭ جوباسى مەجٸلٸستە قابىلدانىپ, سەناتتا قارالىپ جاتىر. ەگەر پارلامەنت زاڭ جوباسىن ماقۇلداپ, پرەزيدەنت قاسىم-جومارت توقاەۆ قول قويسا, 2024 جىلدان باستاپ كەلەسٸ كٶرسەتكٸشتەر بەلگٸلەنەدٸ.
ەڭ تٶمەنگٸ جالاقى 85 مىڭ تەڭگە بولادى – 15 مىڭ تەڭگەگە ٶسەدٸ. بۇل جۇمىس بەرۋشٸلەر جۇمىسشىلارعا ەڭ تٶمەنگٸ جالاقىدان تٶمەن ەمەس دەڭگەيدە جالاقى بەرۋگە مٸندەتتٸ دەگەندٸ بٸلدٸرەدٸ.
مەملەكەتتٸك بازالىق زەينەتاقى تٶلەمٸنٸڭ ەڭ تٶمەنگٸ مٶلشەرٸ – 28 215 تەڭگە (3 874 تەڭگەگە ٶسەدٸ).
بٸرلەسكەن زەينەتاقىنىڭ ەڭ تٶمەنگٸ مٶلشەرٸ – 57 853 تەڭگە (4777 تەڭگەگە ٶسەدٸ).
ايلىق ەسەپتٸك كٶرسەتكٸش 3692 تەڭگە (242 تەڭگەگە ٶسەدٸ).
بۇل - قازاقستاندا زەينەتاقى, جەردەماقى, ەلەۋمەتتٸك تٶلەمدەر ٶسەدٸ دەگەن سٶز. سونىمەن قاتار ايىپپۇلدار, سالىقتار جەنە باسقا دا تٶلەمدەر, سونداي-اق بٸرلەسكەن قىزمەت تۋرالى كەلٸسٸمدەر بويىنشا ەسەپ ايىرىسۋلار ٶسەدٸ.
