2024 jyly eldi dúr silkindirgen oqiǵalar

Kollaj: ult.kz

Biylǵy jyl Qazaqstan halqy úshin qiyndyǵy kóp, rezonansty oqiǵalarǵa toly jyl boldy. Ult.kz elde bolǵan eń iri oqiǵalarǵa kóz júgirtip, qysqasha sholý jasady.

Aimaqtardy qarǵyn sý basty

2024 jyl ońai bastalmady. Jyl basynda mamandar elimizde alapat sý tasqyny bolýy múmkin ekenin eskerte bastady. Biraq shendiler tótenshe jaǵdaiǵa daiyn ekenderin aitty.

Alaida aqpan aiynan bastalǵan qarǵyn sý Qazaqstan boiynsha jer-jerde jaiyldy. Qaraǵandy, Abai, Shyǵys Qazaqstan, Aqtóbe, Qostanai, Soltústik Qazaqstan, Aqmola, Batys Qazaqstan oblystaryn qyzyl sý basty. Biýdjetten milliardtaǵan qarajat sýdyń betin qaitarýǵa bólindi.

Oqi otyryńyz: Sý tasqyny kezinde 200 januiany kóshirýge bólingen qarajat qoldy bolǵan — Bas prokýratýra

Qazaqstan Prezidenti Qasym-Jomart Toqaev ShYU otyrysynda Qazaqstanda bolǵan sý tasqynyna jahandyq jylyný protsesi áser etkenin aitty.

Foto: gov.kz

Biyl qarashada "Biz birgemiz" Qaiyrymdylyq qorynyń basshysy Perizat Qairat sý tasqynynan zardap shekkenderge jinalǵan 1,5 milliard teńgeni jymqyrdy degen kúdikpen ustaldy.

Ol bul aqshaǵa qymbat áshekei buiymdar, kiim, kólik, úi jáne shetelderde qymbat qonaqúilerde demalǵany anyqtalǵan.

Foto: instagram.com/01pk

Al Atyraý oblysynda sý tasqyny kezinde bóget salýǵa kómektesken Pshón esimdi itti belgisiz bireýler atyp ketti. Ittiń iesi Zámzágúl 28 qarashada Pshónniń atylǵanyn aityp, áleýmettik jelige video jariialady. Bul jaǵdai qoǵamda rezonans týdyrdy.

Sodan, jaqynda músinshi Azamat Kenjeǵaliev Pshónge arnap, metaldan músin jasady.

Foto: videodan skrinshot

Bishimbaev soty

Qazaqstannyń burynǵy Ulttyq ekonomika ministri Qýandyq Bishimbaev azamattyq áieli Saltanat Núkenovany asqan qatigezdikpen uryp óltirdi degen kúdikke ilinip, 2023 jyly qarashada qamaýǵa alynǵan. Sot protsessi biyl naýryz, sáýir ailarynda tikelei efir arqyly ótken.

Foto:kaztag.kz

Bul sot isi Qazaqstan ǵana emes, álemde rezonans týdyryp, sot otyrystaryn tikelei efirde milliondaǵan adam baqylap otyrǵan bolatyn.

Sot Qýandyq Bishimbaevqa 24 jyl, al onyń týysy, osy iske qatysy bar dep tanylǵan Baqytjan Baijanovqa 5 jyl bas bostandyǵynan aiyrý jazasyn kesti.

Oqi otyryńyz: Bishimbaev ata-ana quqyqtarynan aiyrylmaidy — apelliatsiialyq alqa birinshi satydaǵy sottyń sheshimin ózgertpedi

Parij olimpiadasyndaǵy Eldos Smetovtyń jeńisi

Biyl Frantsiia astanasynda kezekti Olimpiada oiyndary ótti. Oǵan 80-ge jýyq qazaqstandyq sportshy qatysty. Sportshylardyń ishinde jalǵyz altyn medaldy dziýdoshy Eldos Smetov aldy.

Bul altyn dziýdo sportynan qazaqstan tarihyndaǵy eń alǵashqy altyn. Smetovtyń ózi aty ańyzǵa ainalǵan dziýdoshy Jaqsylyq Úshkempirovtyń armanyn oryndaǵanyn aityp, qatty tolqydy.

Oqi otyryńyz: «Jaǵalasyp, ulynyń artynan qalmaidy»: Eldos Smetov anasyn synaǵandarǵa jaýap berdi

Foto: bestnews.kz

AES salý boiynsha referendým

2024 jyly 6 qazanda Qazaqstandaǵy alǵashqy atom elektr stantsiiasynyń qurylýy boiynsha referendým ótti. AES salý boiynsha da elde túrli tartys boldy. Biraq referendým qorytyndysy boiynsha azamattardyń 5 561 937 nemese 71,12% adam elge AES salýdy qoldaǵan.

Jas sarbaz Erbaian Muhtardyń oqiǵasy

Ótken jyldyń 4 jeltoqsanynda Almaty qalasynyń 5571 áskeri bóliminde Ulttyq ulannyń merzimdi qyzmettegi sarbazy Erbaian Muhtar bas súiek-mi jaraqatyn alyp, komaǵa túsken. Áskeriler otbasyna onyń dárethanaǵa qulap, basyn plitaǵa urǵanyn habarlady. Týystary bul nusqamen kelispegen.

Foto:madeniportal.kz

Erbaian Muhtardyń isi boiynsha eki qylmystyq is qozǵalǵan.

Advokat Inga Imanbai: -«Qazir Erbaiannyń jaǵdaiy birqalypty, Stambýlda emin jalǵastyryp jatyr», -dep málimdedi Erbaiannyń aýrýhanaǵa túskenine bir jyl tolǵanda.

Túrkiiaǵa ol Qorǵanys ministrliginiń arnaiy bortymen jetkizilgen.

Buǵan deiin qazaqstandyqtar komada jatqan sarbazǵa 140 million teńge jinap berdi. Bul soma oǵan qajetti meditsinalyq kómekti qamtamasyz etý úshin jinaldy.

Jynystyq quldyqta bolǵan jasóspirim qyz

Eske salsaq, 8 tamyzda Qyzylorda qalasynyń turǵyny kámeletke tolmaǵan qyzyn synyptastary esirtki berip, jezókshelikpen ainalysýǵa májbúrlep, azaptaǵanyn aitqan.

Ishki ister vitse-ministri Igor Lepeha atalmysh is boiynsha 13 kúdikti ustalǵanyn málimdedi. Seksýaldy quldyqta bolǵan 16 jastaǵy qyz saraptama kezinde qysym kórgenin aityp shaǵymdanǵan edi.

Qazirgi tańda bul is boiynsha sot úkimimen 21 jastaǵy jigit "bopsalaý" baby boiynsha kináli dep tanyldy. Sot ony 4 jyl 6 aiǵa bas bostandyǵynan aiyrdy.

Oqi otyryńyz: Qyzylordada seksýaldy quldyqta bolǵan qyzdyń isi boiynsha sottalǵan jigittiń týystary úkimmen kelispeidi

Talǵardaǵy qylmys

4 qazanǵa qaraǵan túni Almaty oblysy Talǵar qalasynda 16 jastaǵy Sherzat Bolatty ata-anasynyń kózinshe óltirip ketedi. Bul is qoǵamda úlken rezonansqa ainalyp, Talǵarda "Hýtorlyqtar" dep atalatyn qylmystyq top bar ekeni aityla bastady. Qylmystyq is qozǵalyp, tergeý bastalady, halyq Sherzat isiniń ádil júrgenin talap ete bastady.

10 qazanda Sherzattyń úii órtenip, qaza tapqan balanyń ákesi Qarjaýbai Nurymov:

"Balam azdai úiimdi órtegenderiń ne?!", - dep video jariialady.

Foto:instagram.com/justice_for_sherzat

Osy oqiǵadan keiin Talǵar qalasynyń ákimi Bahyt Kúrishbekov, Talǵar qalasy ákiminiń orynbasary Matan Saǵyndyq, Almaty oblysy prokýrorynyń orynbasary Saian Bákirov pen Talǵar aýdanynyń prokýrory Eskendir Bekmanov qyzmetterinen bosatyldy.

9 jeltoqsanda Talǵar mańynan Sherzattyń aǵasy Nurqanat Ǵaiypbaevtyń máiiti tabyldy. Sherzattyń ákesi Qarjaýbai inisin jerleý rásiminen keiin «ózin agressivti ustady» dep politsiia ony 15 táýlikke qamaýǵa aldy. 25 jeltoqsanda Qarjaýbai Nurymov qamaýdan bosap shyqty.

Áýe apaty

25 jeltoqsanda Ázerbaijannyń Baký qalasynan Reseidiń Groznyi qalasyna baǵyt alǵan Embraer 190 ushaǵy Aqtaý qalasy mańynda apatqa ushyrady. Ushaqta 67 adam bolǵan, onyń 5 ekipaj múshesi jáne 62 jolaýshy. Olardyń arasynda Ázerbaijan, Resei, Qazaqstan jáne Qyrǵyzstan azamattary bar.

Foto: Mańǵystaý oblysy ákimdigi

Búgingi tańda apat saldarynan 38 adam qaza taýyp, 29 adam tiri qalǵany belgili bolyp otyr. Zardap shekkender Aqtaýdaǵy aýrýhanalarǵa jetkizildi, olardyń ishinde 6 adamnyń jaǵdaiy óte aýyr dep baǵalanýda.

Qazaqstannyń kólik ministri Marat Qarabaevtyń málimetinshe, ushaqta bolǵan 6 qazaqstandyqtyń barlyǵy qaza tapqan.

Apattyń naqty sebepteri áli anyqtalýda. Oqiǵaǵa bailanysty qylmystyq is qozǵalyp, úkimettik komissiia quryldy. Tergeý amaldary júrgizilýde.

Sonymen qatar, apat aýmaǵyn dronmen túsirgen bloger Azamat Sársenbaev 10 kúnge qamaýǵa alyndy.

Oqi otyryńyz: Qazaqstandaǵy eń iri ushaq apattary

Baljan Jeńisqyzy