Фото: Видеодан скрин
Қазақстандықтар Елдос Сметов елге келгеннен бері оның жанынан әйелі емес, анасының қолтықтап жүргенін сынға алған. Дзюдодан Париж Олимпиадасының чемпионы Елдос Сметов анасына байланысты өзін сынағандарға жауап берді, деп хабарлайды Azattyq Rýhy.
Дзюдошы бұл жөнінде Жамбыл облысының Өңірлік комуникациялары қызметіне берген сұхбатында айтты.
«Әлеуметтік желіні қарамайын десем де, қарап қоямын. Қазір Олимпиада чемпионы болдым, енді осыдан кейін ешнәрсе жазбайтын шығар деп ойлап едім. Бірақ тоқтайтын емес, әлі де жазып жатыр. Менің жүріс-тұрысым, келіншегім алда келе жатыр ма, артта келе жатыр ма, жанында анасы келе жатыр ма, әлде басқасы. Енді мен қалай шығайын, не қалай шықпайын, ол менің қуанышым!» – дейді ол.
Айта кетейік, қазақстандықтар Елдос Сметов елге келгеннен бері оның жанынан әйелі емес, анасының қолтықтап жүргенін сынға алған.
«Келініне орын бермей ме, өзі қолтықтап жүр баласын». «Анасы әкесімен артта тұрып, ұлының қасына әйелін жіберуі керек еді». «Жағаласып, ұлының артынан қалмайды екен». «Осы кісінің туғаны белгілі ғой, бірақ жұрттың алдында осылай жағаласып жүргені ұят». «Осындай енеге шыдап жүрген келінге халықтың атынан алтын медаль тағайық». «Тіпті, Димаштың анасы жанында жүрмейді», - деп желі қолданушылары сынға алды.
876 рет оқылды
_140_110.webp)
