Foto: Videodan skrin
Qazaqstandyqtar Eldos Smetov elge kelgennen beri onyń janynan áieli emes, anasynyń qoltyqtap júrgenin synǵa alǵan. Dziýdodan Parij Olimpiadasynyń chempiony Eldos Smetov anasyna bailanysty ózin synaǵandarǵa jaýap berdi, dep habarlaidy Azattyq Rýhy.
Dziýdoshy bul jóninde Jambyl oblysynyń Óńirlik komýnikatsiialary qyzmetine bergen suhbatynda aitty.
«Áleýmettik jelini qaramaiyn desem de, qarap qoiamyn. Qazir Olimpiada chempiony boldym, endi osydan keiin eshnárse jazbaityn shyǵar dep oilap edim. Biraq toqtaityn emes, áli de jazyp jatyr. Meniń júris-turysym, kelinshegim alda kele jatyr ma, artta kele jatyr ma, janynda anasy kele jatyr ma, álde basqasy. Endi men qalai shyǵaiyn, ne qalai shyqpaiyn, ol meniń qýanyshym!» – deidi ol.
Aita keteiik, qazaqstandyqtar Eldos Smetov elge kelgennen beri onyń janynan áieli emes, anasynyń qoltyqtap júrgenin synǵa alǵan.
«Kelinine oryn bermei me, ózi qoltyqtap júr balasyn». «Anasy ákesimen artta turyp, ulynyń qasyna áielin jiberýi kerek edi». «Jaǵalasyp, ulynyń artynan qalmaidy eken». «Osy kisiniń týǵany belgili ǵoi, biraq jurttyń aldynda osylai jaǵalasyp júrgeni uiat». «Osyndai enege shydap júrgen kelinge halyqtyń atynan altyn medal taǵaiyq». «Tipti, Dimashtyń anasy janynda júrmeidi», - dep jeli qoldanýshylary synǵa aldy.
