فوتو: ۆيدەودان سكرين
قازاقستاندىقتار ەلدوس سمەتوۆ ەلگە كەلگەننەن بەرٸ ونىڭ جانىنان ەيەلٸ ەمەس, اناسىنىڭ قولتىقتاپ جٷرگەنٸن سىنعا العان. دزيۋدودان پاريج وليمپياداسىنىڭ چەمپيونى ەلدوس سمەتوۆ اناسىنا بايلانىستى ٶزٸن سىناعاندارعا جاۋاپ بەردٸ, دەپ حابارلايدى Azattyq Rýhy.
دزيۋدوشى بۇل جٶنٸندە جامبىل وبلىسىنىڭ ٶڭٸرلٸك كومۋنيكاتسييالارى قىزمەتٸنە بەرگەن سۇحباتىندا ايتتى.
«ەلەۋمەتتٸك جەلٸنٸ قارامايىن دەسەم دە, قاراپ قويامىن. قازٸر وليمپيادا چەمپيونى بولدىم, ەندٸ وسىدان كەيٸن ەشنەرسە جازبايتىن شىعار دەپ ويلاپ ەدٸم. بٸراق توقتايتىن ەمەس, ەلٸ دە جازىپ جاتىر. مەنٸڭ جٷرٸس-تۇرىسىم, كەلٸنشەگٸم الدا كەلە جاتىر ما, ارتتا كەلە جاتىر ما, جانىندا اناسى كەلە جاتىر ما, ەلدە باسقاسى. ەندٸ مەن قالاي شىعايىن, نە قالاي شىقپايىن, ول مەنٸڭ قۋانىشىم!» – دەيدٸ ول.
ايتا كەتەيٸك, قازاقستاندىقتار ەلدوس سمەتوۆ ەلگە كەلگەننەن بەرٸ ونىڭ جانىنان ەيەلٸ ەمەس, اناسىنىڭ قولتىقتاپ جٷرگەنٸن سىنعا العان.
«كەلٸنٸنە ورىن بەرمەي مە, ٶزٸ قولتىقتاپ جٷر بالاسىن». «اناسى ەكەسٸمەن ارتتا تۇرىپ, ۇلىنىڭ قاسىنا ەيەلٸن جٸبەرۋٸ كەرەك ەدٸ». «جاعالاسىپ, ۇلىنىڭ ارتىنان قالمايدى ەكەن». «وسى كٸسٸنٸڭ تۋعانى بەلگٸلٸ عوي, بٸراق جۇرتتىڭ الدىندا وسىلاي جاعالاسىپ جٷرگەنٸ ۇيات». «وسىنداي ەنەگە شىداپ جٷرگەن كەلٸنگە حالىقتىڭ اتىنان التىن مەدال تاعايىق». «تٸپتٸ, ديماشتىڭ اناسى جانىندا جٷرمەيدٸ», - دەپ جەلٸ قولدانۋشىلارى سىنعا الدى.
