Фото: instagram.com/azamat_sarsenbayev
Ақтау маңында болған ұшақ апатын дронмен түсірген жергілікті блогер Азамат Сәрсенбаев жауапкершілікке тартылды, деп хабарлайды Ult.kz соттың баспасөз қызметіне сілтеме жасап.
Ол Түпқараған аудандық сотының қаулысымен құқық қорғау органдары өкілдерінің заңды талабына бағынбағаны үшін кінәлі деп танылды.
"Сот 2024 жылдың 25 желтоқсанында сағат 13:00 шамасында азамат С.-ның Баку-Грозный бағытындағы ұшақтың апатқа ұшыраған жерінде болғанын анықтады. Аумақты полиция қызметкерлері қоршап алғанына қарамастан, С. дрон мен ұялы телефонды пайдаланып, бейнетүсірілім жасады. Құқық бұзушының әрекеті құтқару қызметтерінің жұмысына және тергеу әрекеттеріне кедергі келтірді. Ол полиция қызметкерлерінің заңды талаптарына бағынудан бас тартты", – делінген соттың баспасөз қызметі таратқан хабарламада.
Сот блогерді 10 тәулікке әкімшілік қамаққа алу түрінде жаза тағайындады.
183 рет оқылды
