Foto: instagram.com/azamat_sarsenbayev
Aqtaý mańynda bolǵan ushaq apatyn dronmen túsirgen jergilikti bloger Azamat Sársenbaev jaýapkershilikke tartyldy, dep habarlaidy Ult.kz sottyń baspasóz qyzmetine silteme jasap.
Ol Túpqaraǵan aýdandyq sotynyń qaýlysymen quqyq qorǵaý organdary ókilderiniń zańdy talabyna baǵynbaǵany úshin kináli dep tanyldy.
"Sot 2024 jyldyń 25 jeltoqsanynda saǵat 13:00 shamasynda azamat S.-nyń Baký-Groznyi baǵytyndaǵy ushaqtyń apatqa ushyraǵan jerinde bolǵanyn anyqtady. Aýmaqty politsiia qyzmetkerleri qorshap alǵanyna qaramastan, S. dron men uialy telefondy paidalanyp, beinetúsirilim jasady. Quqyq buzýshynyń áreketi qutqarý qyzmetteriniń jumysyna jáne tergeý áreketterine kedergi keltirdi. Ol politsiia qyzmetkerleriniń zańdy talaptaryna baǵynýdan bas tartty", – delingen sottyń baspasóz qyzmeti taratqan habarlamada.
Sot blogerdi 10 táýlikke ákimshilik qamaqqa alý túrinde jaza taǵaiyndady.
