Foto: "Azamattarǵa arnalǵan úkimet" baspasóz qyzmeti
2023 jyly mamandandyrylǵan HQKO-lar 30 myńǵa jýyq joǵarǵy suranysqa ie memlekettik tirkeý nómirlerin berdi. Olar úshin kólik ieleri 10 mlrd teńgeden astam qarajat jumsaǵan, - dep habarlaidy "Ult aqparat" "Azamattarǵa arnalǵan úkimet" memlekettik korporatsiiasyna silteme jasap.
2022 jylmen salystyratyn bolsaq, qazaqstandyqtardyń VIP-nómirlerge jumsaǵan qarajaty 7 mlrd teńgeden asqan.
"010, 020, 030, 040, 050, 060, 070, 077, 080, 090, 707 nómirleri - 2023 jyly eń jyldam satylǵan nómirler. Ár nómirdiń baǵasy 57 AEK-ti (2024 jyly 210 444 teńge) quraidy.
VIP-nómirler qataryndaǵy áripteri birdei eń qymbat sandar 001, 002, 003, 004, 005, 006, 007, 008, 009, 777 sandary ekenin atap ótemiz. Mundai árbir nómir kólik iesi úshin 285 AEK (2024 jyly 1 052 220 teńge) turady" - delingen habarlamada.
Jalpy, 2023 jyly respýblika boiynsha mamandandyrylǵan halyqqa qyzmet kórsetý ortalyqtarynda 3,2 millionnan astam kólik tirkelip, 1,1 million júrgizýshi kýáligi berilgen.
Eske sala keteiik, Qazaqstanda VIP-nómirlerdi satý tájiribesi 2014 jyly engizilgen. Satýdan túsken qarjy el biýdjetine túsedi.
