فوتو: "ازاماتتارعا ارنالعان ٷكٸمەت" باسپاسٶز قىزمەتٸ
2023 جىلى مامانداندىرىلعان حقكو-لار 30 مىڭعا جۋىق جوعارعى سۇرانىسقا يە مەملەكەتتٸك تٸركەۋ نٶمٸرلەرٸن بەردٸ. ولار ٷشٸن كٶلٸك يەلەرٸ 10 ملرد تەڭگەدەن استام قاراجات جۇمساعان, - دەپ حابارلايدى "ۇلت اقپارات" "ازاماتتارعا ارنالعان ٷكٸمەت" مەملەكەتتٸك كورپوراتسيياسىنا سٸلتەمە جاساپ.
2022 جىلمەن سالىستىراتىن بولساق, قازاقستاندىقتاردىڭ VIP-نٶمٸرلەرگە جۇمساعان قاراجاتى 7 ملرد تەڭگەدەن اسقان.
"010, 020, 030, 040, 050, 060, 070, 077, 080, 090, 707 نٶمٸرلەرٸ - 2023 جىلى ەڭ جىلدام ساتىلعان نٶمٸرلەر. ەر نٶمٸردٸڭ باعاسى 57 اەك-تٸ (2024 جىلى 210 444 تەڭگە) قۇرايدى.
VIP-نٶمٸرلەر قاتارىنداعى ەرٸپتەرٸ بٸردەي ەڭ قىمبات ساندار 001, 002, 003, 004, 005, 006, 007, 008, 009, 777 ساندارى ەكەنٸن اتاپ ٶتەمٸز. مۇنداي ەربٸر نٶمٸر كٶلٸك يەسٸ ٷشٸن 285 اەك (2024 جىلى 1 052 220 تەڭگە) تۇرادى" - دەلٸنگەن حابارلامادا.
جالپى, 2023 جىلى رەسپۋبليكا بويىنشا مامانداندىرىلعان حالىققا قىزمەت كٶرسەتۋ ورتالىقتارىندا 3,2 ميلليوننان استام كٶلٸك تٸركەلٸپ, 1,1 ميلليون جٷرگٸزۋشٸ كۋەلٸگٸ بەرٸلگەن.
ەسكە سالا كەتەيٸك, قازاقستاندا VIP-نٶمٸرلەردٸ ساتۋ تەجٸريبەسٸ 2014 جىلى ەنگٸزٸلگەن. ساتۋدان تٷسكەن قارجى ەل بيۋدجەتٸنە تٷسەدٸ.
