QR DSM sanitarlyq-epidemiologiialyq baqylaý komitetiniń tóraǵasy Aijan Esmaǵambetova ujymdyq immýnitettiń qalyptasýyna qatysty óz boljamyn aitty, dep habarlaidy QazAqparat tilshisi.
«Qazaqstanda ujymdyq immýnitet qalyptastyrý úshin shamamen 10 mln adamǵa ekpe egý kerek. Munsha adamǵa barlyq vaktsina dozasy qoljetimdi bolsa da, 1-2 aida ekpe sala almaitynymyzdy túsiný kerek. Sondyqtan, ýaqyt shegerip, jyldyń sońyna tipti 2022 jylǵa da ketýi múmkin. Sondyqtan, osy aralyqtyń bárinde maska taǵý qajet», - dedi Aijan Esmaǵambetova Ortalyq kommýnikatsiialar qyzmetindegi brifingte tilshi suraǵyna bergen jaýabynda.
Onyń aitýynsha, vaktsina alǵan adamnyń ózinde de immýnitet eń kemi 1,5 aida qalyptasady.
«Dozalyq kúntizbege súiensek, antideneler shamamen 12 kúnde paida bolady, ekinshi dozany alǵan soń, taǵy 3-4 apta qajet bolady. Iaǵni, immýnitet qalyptastyrýdyń ózine shamamen 1,5 ai qajet. Onyń ústine immýnitet barlyq adamda qalyptaspaidy, derekterge súiensek, 5 paiyz adamda immýndyq jaýap túzilmedi. Bul adamdar da qoraýsyz bolady. Sondyqtan, ujymdyq immýnitet jasamaiynsha, koronavirýs infektsiiasynan qorǵalǵanymyzǵa kóz jetkizbeiinshe, maska taǵýdy jalǵastyramyz», - deidi A. Esmaǵambetova.
Buǵan deiin QR Densaýlyq saqtaý vitse-ministri Ajar Ǵiniiat halyqtyń 60 paiyzdan astamy vaktsinalanyp, ujymdyq immýnitet qalyptasqanda maskasyz júrýge bolatynyn aitqan edi.
