قر دسم سانيتارلىق-ەپيدەميولوگييالىق باقىلاۋ كوميتەتٸنٸڭ تٶراعاسى ايجان ەسماعامبەتوۆا ۇجىمدىق يممۋنيتەتتٸڭ قالىپتاسۋىنا قاتىستى ٶز بولجامىن ايتتى, دەپ حابارلايدى قازاقپارات تٸلشٸسٸ.
«قازاقستاندا ۇجىمدىق يممۋنيتەت قالىپتاستىرۋ ٷشٸن شامامەن 10 ملن ادامعا ەكپە ەگۋ كەرەك. مۇنشا ادامعا بارلىق ۆاكتسينا دوزاسى قولجەتٸمدٸ بولسا دا, 1-2 ايدا ەكپە سالا المايتىنىمىزدى تٷسٸنۋ كەرەك. سوندىقتان, ۋاقىت شەگەرٸپ, جىلدىڭ سوڭىنا تٸپتٸ 2022 جىلعا دا كەتۋٸ مٷمكٸن. سوندىقتان, وسى ارالىقتىڭ بەرٸندە ماسكا تاعۋ قاجەت», - دەدٸ ايجان ەسماعامبەتوۆا ورتالىق كوممۋنيكاتسييالار قىزمەتٸندەگٸ بريفينگتە تٸلشٸ سۇراعىنا بەرگەن جاۋابىندا.
ونىڭ ايتۋىنشا, ۆاكتسينا العان ادامنىڭ ٶزٸندە دە يممۋنيتەت ەڭ كەمٸ 1,5 ايدا قالىپتاسادى.
«دوزالىق كٷنتٸزبەگە سٷيەنسەك, انتيدەنەلەر شامامەن 12 كٷندە پايدا بولادى, ەكٸنشٸ دوزانى العان سوڭ, تاعى 3-4 اپتا قاجەت بولادى. ياعني, يممۋنيتەت قالىپتاستىرۋدىڭ ٶزٸنە شامامەن 1,5 اي قاجەت. ونىڭ ٷستٸنە يممۋنيتەت بارلىق ادامدا قالىپتاسپايدى, دەرەكتەرگە سٷيەنسەك, 5 پايىز ادامدا يممۋندىق جاۋاپ تٷزٸلمەدٸ. بۇل ادامدار دا قوراۋسىز بولادى. سوندىقتان, ۇجىمدىق يممۋنيتەت جاسامايىنشا, كوروناۆيرۋس ينفەكتسيياسىنان قورعالعانىمىزعا كٶز جەتكٸزبەيٸنشە, ماسكا تاعۋدى جالعاستىرامىز», - دەيدٸ ا. ەسماعامبەتوۆا.
بۇعان دەيٸن قر دەنساۋلىق ساقتاۋ ۆيتسە-مينيسترٸ اجار عينييات حالىقتىڭ 60 پايىزدان استامى ۆاكتسينالانىپ, ۇجىمدىق يممۋنيتەت قالىپتاسقاندا ماسكاسىز جٷرۋگە بولاتىنىن ايتقان ەدٸ.
