QR Premer-Ministri Asqar Mamin jańartylǵan quramda Úkimettiń alǵashqy otyrysyn ótkizdi. Eldegi sanitarlyq-epidemiologiialyq jaǵdai týraly densaýlyq saqtaý ministri Aleksei Tsoi baiandady.
Koronavirýs infektsiiasynyń pandemiiasy álemniń barlyq elderin qamtydy jáne meditsinalyq kómek pen testileýdiń qoljetimdiligine, qabyldanatyn karantindik sharalarǵa jáne halyqtyń aýrýdyń taralýynyń aldyn alý sharalaryn ustanýyna bailanysty ár túrli qarqyndylyǵymen sipattalady.
Densaýlyq saqtaý ministri atap ótkendei, búgingi tańda álemniń 220 elinde KVI-diń 95 mln-nan astam jaǵdaiy tirkelgen. 2 mln-nan astam adam qaitys boldy, jahandyq ólim kórsetkishi 2,1%-dy quraidy.
Dúniejúzilik densaýlyq saqtaý uiymynyń alty óńiriniń úsh óńirinde (Amerika, Tynyq muhittyń batys bóligi jáne Afrika) halyqtyń COVID-19 virýsymen syrqattanýynyń udaiy ósýi jalǵasýda.
Eýropa jáne Shyǵys Jerorta teńizi óńirlerinde tómendeý belgilerinsiz syrqattanýshylyqtyń turaqty túrde joǵary deńgeii baiqalady. Tómendeý úrdisi tek Ońtústik-Shyǵys Aziia elderinde baiqalady.
Syrqattanýshylyqtyń taralý kórsetkishi men deńgeii boiynsha Qazaqstan Respýblikasy Túrkiia siiaqty táýekeli ortasha aimaqta nemese sary aimaqta tur. Táýekeli joǵary aimaqta, iaǵni qyzyl aimaqta Ýkraina, Resei Federatsiiasy, Belarýs, Germaniia, Italiia, Frantsiia, Birikken Arab Ámirlikteri siiaqty elder tur. Ońtústik Koreia men Singapýr jasyl aimaqta.
«Qazaqstanda pandemiia bastalǵannan beri COVID-19-ǵa oń nátijemen 170 098 naýqas jáne 46 866 KVI- jaǵdaiy tirkelgen. KVI+ 154 449 naýqas jáne KVI- 34 656 naýqas emdelip shyqty. Qaitys bolǵan adamdar sany – KVI+ 2 423 adam jáne KVI- 542 adam. Onyń ishinde sońǵy táýlikte KVI+ 999 jaǵdai jáne KVI- 18 jaǵdai tirkeldi, onyń ishinde 9 – ólim jaǵdaiy», — dedi A. Tsoi.
Ministrlik kún saiyn matritsaǵa sáikes epidjaǵdaiǵa baǵalaý júrgizip otyrady.
Osy jyl bastalǵannan beri táýekeli ortasha aimaqtan táýekeli joǵary aimaqqa nemese sary aimaqtan qyzyl aimaqqa 3 óńir — Qostanai, Pavlodar oblystary jáne Nur-Sultan qalasy ótti. Táýekeli tómen aimaqtan táýekeli ortasha aimaqqa nemese jasyl aimaqtan sary aimaqqa 2 óńir: Almaty jáne Qaraǵandy oblystary ótti.
Osylaisha, 19 qańtarda qyzyl aimaqta 6 óńir tur: Aqmola, Atyraý, Qostanai, Pavlodar, Soltústik Qazaqstan oblystary jáne Nur-Sultan qalasy. Sary aimaqta 3 óńir: Batys Qazaqstan, Almaty jáne Qaraǵandy oblystary. Qalǵan 8 óńir jasyl aimaqta.
A. Tsoidyń aitýynsha, jalpy alǵanda, respýblika boiynsha qarasha aiynan bastap KVI-men syrqattanýshylyqtyń ósýi baiqalady, qazan aiymen salystyrǵanda qarasha aiynda syrqattanýshylyq 4,5 ese ósti, qarashamen salystyrǵanda jeltoqsan aiynda 1,2 ese ósti.
«Birqalypty ósý úrdisi qańtar aiynda da saqtalyp otyr, bul jeltoqsan men qańtar ailarynda uzaq mereke kúnderi halyqtyń barlyq profilaktika sharalaryn saqtamaýynyń saldary bolyp tabylady. Máselen, qańtardyń 19 kúni ishinde KVI-diń 14 625 jaǵdaiy tirkeldi. Syrqattanýshylyqtyń ósýi Shyǵys Qazaqstan oblysynan basqa barlyq óńirde baiqalady», — dedi densaýlyq saqtaý ministri.
Biylǵy 19 qańtardaǵy jaǵdai boiynsha infektsiialyq jáne reanimatsiialyq tósekterdiń júktelýi tiisinshe 32%-dy jáne 23%-dy quraidy.
Monitoring derekterine sáikes tósek qorynyń qamtylýy baqylanatyn deńgeide, qajet bolǵan jaǵdaida árbir óńirde rezervtik tósekterdi qosymsha ashý múmkindigi bar.
Epidemiologiialyq jaǵdaidy eskere otyryp, birqatar óńirde, onyń ishinde Aqmola, Qostanai, Pavlodar, Atyraý oblystarynda jáne Nur-Sultan qalasynda halyqtyń kóp jinalatyn oryndarynda qarym-qatynasty azaitýǵa baǵyttalǵan shekteýlerdi kúsheitý boiynsha sharalar qabyldandy.
Virýstyń mýtatsiiaǵa beiimdiligin eskere otyryp, Ministrlik turaqty negizde QR-da bólingen virýs shtammdaryna molekýlalyq-genetikalyq sekvenirleý júrgizedi.
Taldaý kórsetkendei:
- zerttelgen synamalar genetikalyq jaǵynan Germaniia, Ispaniia, Ýkraina, Resei Federatsiiasy, AQSh jáne Qytaida anyqtalǵan shtammdarǵa jaqyn;
- aýrýdyń simptomdyq jáne simptomsyz túrleri, sondai-aq virýstyń kontagiozdylyǵy jáne aýrýdyń aýyr ótýi virýstyń qandai da bir genetikalyq syzyqqa jatatyndyǵyna bailanysty emes;
- barynsha kóp anyqtaý jiiligimen mýtatsiialar anyqtaldy;
- zerttelgen synamalarda koronavirýstyń «Britandyq» shtammy anyqtalǵan joq.
Osy baǵyttaǵy jumys jalǵasýda.
A. Tsoidyń aitýynsha, Memleket basshysynyń KVI-ge qarsy vaktsinatsiiany jedeldetip bastaý jónindegi tapsyrmasyn iske asyrý maqsatynda mynadai jumystar júrgizilýde:
- 2021 jylǵy 19 qańtarda Qaraǵandy farmatsevtikalyq kesheni men Resei tikelei investitsiialar qory arasynda «Spýtnik V» vaktsinasynyń 20 myń dozasyn jetkizýge arnalǵan shartqa qol qoiý josparlanýda;
- Biylǵy 20 qańtarda arnaiy tártip boiynsha satyp alýdy júrgizý úshin bir jolǵy ákelýge ruqsat berý jáne QR DSM-niń SQ-Farmatsiiaǵa hat jiberýi josparlanyp otyr;
- Osy jylǵy 1 aqpanda – egýge jatatyn halyq toptaryn KVI-ǵa qarsy vaktsinatsiialaýdy bastaý kózdelgen.
Vaktsinatsiialaý vaktsinanyń kelip túsýin eskere otyryp, kezeń-kezeńmen júzege asyrylatyn bolady. Bul rette kontingentter mynadai túrde bólingen:
- I kezeń – infektsiialyq aýrýhanalar, jedel meditsinalyq járdem, reanimatsiia jáne qarqyndy terapiia bólimi, meditsinalyq-sanitariialyq alǵashqy kómek, aýrýhanalardyń qabyldaý bólmeleriniń meditsina qyzmetkerleri, sanepidqyzmet qyzmetkerleri jatady – 100 000 adam — 2021 jylǵy 1 aqpannan bastap;
- II kezeń – jalpy bilim beretin mektepterdiń, arnaýly orta oqý oryndarynyń, joǵary oqý oryndarynyń pedagogtary, vedomstvolyq meditsinalyq qyzmetiniń meditsina qyzmetkerleri – 150 myń adam — biylǵy naýryzdan bastap;
- III kezeń – mektep-internattar, balalardyń mektepke deiingi mekemeleri pedagogtary, stýdentter, sozylmaly aýrýlary bar adamdar – 600 myń adam — biylǵy sáýirden bastap;
- IV kezeń – Ishki ister ministrligi, Tótenshe jaǵdailar ministrligi, Qorǵanys ministrligi, Ulttyq qaýipsizdik komiteti qyzmetiniń qyzmetkerleri, basqa statsionarlardyń meditsina qyzmetkerleri, BMDM personaly jáne sozylmaly aýrýlary bar adamdar – 600 myń adam — biylǵy mamyrdan bastap;
- V kezeń – meditsinalyq-áleýmettik mekemelerdiń kontingenti men personaly, balalardyń jabyq mekemeleriniń qyzmetkerleri jáne sozylmaly aýrýlary bar adamdar – 600 myń adam, biylǵy maýsymnan bastap;
- VI kezeń – táýekel tobyndaǵy qalǵan kontingent – 600 myń adam, biylǵy shilde aiynan jeltoqsanǵa deiin.
Osylaisha, jyl sońyna deiin 6 mln qazaqstandyqqa vaktsina egý josparlanǵan.
Óndirýshiden meditsinalyq uiymdarǵa deiingi barlyq jolynda vaktsinanyń sapasyn qamtamasyz etý maqsatynda GDP standarty «salqyn tizbektiń» árbir kezeńinde jaýapty adamdardyń bolýyn kózdeidi.
Vaktsinany jetkizý tizbegi 4 kezeńnen turady:
- I kezeń – óndirýshiden Biryńǵai distribiýtor qoimalaryna deiin, munda «salqyn tizbek» printsipin saqtaýǵa vaktsinany óndirýshi/jetkizýshi jaýapty bolady;
- II kezeń – BD qoimalarynan densaýlyq saqtaý basqarmalarynyń (DSB) dárihana qoimalaryna deiin, munda «salqyn tizbek» printsipin saqtaýǵa Biryńǵai distribiýtor jaýapty bolady;
- III kezeń – óńirlerdiń densaýlyq saqtaý basqarmalarynan aýdandar men qalalardyń meditsinalyq uiymdaryna deiin, munda «salqyn tizbek» printsipin saqtaýǵa óńirlerdiń densaýlyq saqtaý basqarmalary jaýapty bolady;
- IV kezeń – meditsinalyq uiymdarda saqtaý.
«Búgingi tańda “salqyn tizbektiń” barlyq qatysýshysy úshin COVID profilaktikasy boiynsha vaktsinalardy saqtaý jáne tasymaldaý reglamentiniń jobasy ázirlendi. “Salqyn tizbektiń” árbir kezeńinde vaktsinany saqtaý ydystary salystyryp tekserildi. Óńirlerge jáne meditsinalyq uiymdarǵa muzdatqysh jabdyqtardyń, termokonteinerlerdiń, termoindikatorlar men salqyndatý elementteriniń jetispeitin kólemin satyp alý tapsyryldy», — dedi A. Tsoi.
KVI-ge qarsy vaktsinatsiialaýdy uiymdastyrýǵa jáne júrgizýge daiyndyqty qamtamasyz etý maqsatynda:
- Ulttyq ekpeler kúntizbesine KVI-ge qarsy vaktsinatsiiany engizý bóliginde QR Úkimeti qaýlysynyń jobasy ázirlendi;
- KVI-ge qarsy vaktsinatsiialaý jónindegi ádistemelik usynymdar daiyndaldy;
- KVI-ge qarsy vaktsinatsiialaýdy uiymdastyrý jáne júrgizý jónindegi jospar bekitildi;
- Biylǵy 18 qańtarda ulttyq jáne óńirlik deńgeidegi mamandar oqytyldy. 2021 jylǵy 20-27 qańtar aralyǵynda meditsinalyq uiymdardyń mamandaryn onlain oqytý josparlanǵan.
Júieli esepke alý maqsatynda vaktsinatsiialaýdyń elektrondyq pasporty ázirlendi. Vaktsinatsiia júrgizý týraly derekter Ministrliktiń ortalyqtandyrylǵan aqparattyq júiesinde elektrondyq formatta júrgiziletin bolady.
Patsient jáne meditsina qyzmetkeri aqparatty m-gov mobildik qosymshasynda qolmen veb-qosymshaǵa engize alady. Júie jahandyq aqparattyq júielermen integratsiialanýǵa qabiletti jáne vaktsina alǵan barlyq adamdarǵa talap etiletin jerde usyný úshin aqparat berýge jáne erkin qozǵalýǵa múmkindik beredi.
Epidemiologiialyq jaǵdaidyń nasharlaǵanyn eskere otyryp, sondai-aq KVI-ge qarsy vaktsinatsiialaý júrgizýge daiyndyqty qamtamasyz etý maqsatynda:
- 1. Oblystardyń, respýblikalyq mańyzy bar qalalardyń ákimderine:
- - epidemiologiialyq táýekel aimaǵyna bailanysty shekteý sharalaryn dereý engizý;
- - monitoringtik toptardyń jumysyn kúsheitý;
- - meditsinalyq uiymdardyń aǵymdaǵy jylǵy 1 aqpannan bastap KVI-ge qarsy vaktsinatsiiany bastaýǵa daiyndyǵyn qamtamasyz etý;
- - KVI-ge qarsy vaktsinalardy saqtaý jáne tasymaldaý úshin tońazytý jabdyqtaryn jáne termokonteinerlerdi satyp alýdy aiaqtaý;
- - vaktsinatsiialaý protsesine tartylǵan barlyq mamandardy KVI-ge vaktsinatsiialaý máseleleri boiynsha oqytýdy qamtamasyz etý;
- 2. Qarjy jáne ádilet ministrlikterine, jergilikti atqarýshy organdarǵa bir kún ishinde KVI-ge qarsy vaktsinatsiiany Ulttyq ekpeler kúntizbesine engizýdi reglamentteitin QR Úkimeti qaýlysynyń jobasyn kelisý.
- 3. QR Densaýlyq saqtaý ministrligine barlyq óńirlerdiń egý pýnktteriniń KVI-ge qarsy vaktsinatsiialaýǵa daiyndyǵyn aldyn ala baqylaýdy qamtamasyz etý;
- 4. Aqparat jáne qoǵamdyq damý ministrligine halyqty vaktsinatsiialaýdy qosa alǵanda, KVI profilaktikasy boiynsha aqparattyq-túsindirý jumysyn qamtamasyz etý tapsyryldy.
Densaýlyq saqtaý ministrliginiń boljaý jónindegi jumys toby mindetti maska taǵý rejimin, áleýmettik qashyqtyqty saqtaýdy jáne kútiletin vaktsinatsiiany qosa alǵanda, qoldanystaǵy shekteý sharalary saqtalǵan jaǵdaida 2021 jyldyń sońyna deiin epidjaǵdaidyń damýyna boljam jasady.
«Jaǵdailar osy jyldyń naýryz aiynyń sońynda kóp tirkelýi múmkin. Optimistik stsenarii boiynsha táýligine 3 myń jaǵdaiǵa deiin kútilýde, al tósek qorynyń barynsha qamtylýy 24 myń tósekke deiin jetýi múmkin. Degenmen, atalǵan stsenarii kezinde qatań karantindik sharalardy engizý josparlanyp otyrǵan joq», — dedi A. Tsoi.
Realistik jáne pessimistik stsenariiler kezinde kún saiyn tiisinshe 6 jáne 9 myń jaǵdaiǵa deiin tirkelýi múmkin, al tósek qorynyń qamtylýy 45 myń tósekke deiin jetedi, iaǵni KVI-men aýyratyn naýqastarǵa qoljetimdi 52 myń tósekten aspaidy, biraq densaýlyq saqtaý júiesine shamadan tys júkteme túsirmeý jáne sapaly meditsinalyq qyzmet kórsetýdi qamtamasyz etý úshin qatań karantindik sharalardy engizý qajet bolady.
Birinshi kezeńde 2 mln adamdy vaktsinatsiialaý epidemiianyń damýyna oń áser etedi, bul vaktsinatsiiadan keiin immýnitetti damytý úshin qajetti ýaqytpen, halyqtyń kóp bóligin bir ýaqytta vaktsinatsiialaýdyń múmkin emestigimen shekteledi.
«Bizdiń esepteýimizshe, 2 mln adamdy vaktsinatsiialaý tirkelgen jaǵdailardyń sanyn 40 myńǵa azaitady. Tiisinshe, vaktsinatsiiamen qamtý neǵurlym joǵary bolsa, KVI-men syrqattanýshylyq pen ólim-jitim azaiady jáne shekteý sharalary men lokdaýnsyz ómirge oralý yqtimaldyǵy artady. Pandemiianyń damýynyń osy kezeńinde búkil álem ózin-ózi oqshaýlaý men karantinge jalǵyz balama – vaktsinatsiia ekenin túsindi», — dedi A. Tsoi.
Aqparat jáne qoǵamdyq damý ministri Aida Balaeva birqatar óńirde koronavirýs taqyryby boiynsha aqparattyq-túsindirý jumystary kúsheitilgenin aitty.
Atap aitqanda, aldyńǵy aptamen salystyrǵanda ótken jetide barlyq quraldar arqyly koronovirýs taqyrybyndaǵy aqparattyq materialdar 27%-ǵa artyp, jyl basynan beri shyqqan telesiýjetterdiń, baspa óniminiń, internet-materialdyń sany 6 myńǵa jýyqtady.
Halyqty aqparattandyrý máselesinde arnaiy ashylǵan coronavirus2020.kz saitynyń orny erekshe. Qazirgi tańda oǵan kúnine 80 myńnan asa paidalanýshy kirip, tiisti aqparat alýda.
Pavlodar oblysynyń ákimi Ábilqaiyr Sqaqov ótken aptada Pavlodar oblysynda KVI-diń 616 jaǵdaiy tirkelgenin habarlady. Aýrýshańdyqtyń ósýi 5,8% qurady. Sońǵy táýlikte 155 jaǵdai anyqtaldy. 396 bailanysta bolǵan adam anyqtaldy. Barlyq úi oshaqtarynda epidemiologiialyq zertteýler júrgizilip, jańa oshaqtar oqshaýlandy.
«Óńirdiń densaýlyq saqtaý júiesi shtattyq rejimde jumys isteidi. Infektsiialyq tósekterdiń júktelýi 37,7%-dy quraidy. Qazir barlyǵy 1 635 tósek-orny bar. Rezervte taǵy 2 168 bar. Reanimatsiiada 21 naýqas bar, onyń 3-i óte aýyr jaǵdaida», — dedi Á. Sqaqov.
Oblys boiynsha 169 mobildi brigada jumys isteidi. Táýligine 2 520 PTR-ǵa deiin zertteý júrgiziledi. Jaǵdai baqylanatyn.
Aimaqtyń qyzyl aimaqqa kirýine bailanysty shekteý sharalary kúsheitildi. Demalys kúnderine lokdaýn engizildi: demalys kúnderi azyq-túlik jáne azyq-túliktik emes jabyq bazarlardyń, SOSO, SPA-ortalyqtardyń, saýnalardyń, sport obektileriniń, sport keshenderiniń, fitnes-ortalyqtardyń qyzmeti, qoǵamdyq kólik qozǵalysy toqtatyldy. Qalaaralyq, aýdanaralyq avtobýs, mikroavtobýs turaqty jolaýshylar tasymaldarynyń qozǵalysy toqtatyldy. Adamdar kóp jinalatyn oryndarǵa erekshe nazar aýdara otyryp, kúsheitilgen rejimde 176 monitoringtik top jumys isteidi.
Barlyq meditsinalyq-áleýmettik mekemeler personaldyń táýlik boiy bolý rejimine tolyq oqshaýlaýǵa jáne syrttan kelgen barlyq bailanystardy shekteýge kóshti.
Kovidtik infektsiia boiynsha biryńǵai aqparattyq-taldaý ortalyǵy juqtyrý oshaqtaryn jedel oqshaýlaý, bailanysta bolǵan adamdardy baqylaý úshin jumys isteidi.
24/7 rejiminde oblys turǵyndaryn epidemiologiialyq ahýal jáne onymen bailanysty máseleler týraly habardar etý úshin biryńǵai bailanys ortalyǵy jumys isteidi. Baiandama sońynda Á. Sqaqov jumys barlyq baǵytta jalǵasyp jatqanyn jáne erekshe baqylaýda ekenin atap ótti.
Aqmola oblysynyń ákimi Ermek Marjyqpaev óz kezeginde Aqmola oblysynda epidemiologiialyq jaǵdaidy turaqtandyrý boiynsha jumystar júrgizilip jatqanyn baiandady.
Sońǵy aptada, jalpy aýrýdyń ortasha ósýi 0,8% qurady, sońǵy táýlikterde – 1,2% nemese 99 jaǵdai. 526 adam statsionarda emdelýde, onyń ishinde: aýyr jaǵdaida – 41 adam.
Aýrýdyń artýyna jol bermeý jáne karantin sharalaryn kúsheitý úshin, barlyq qajetti shara qoldanylady.
«Azyq-túlik emes dúkenderdiń, saýda oiyn-saýyq ortalyqtarynyń jumys tártibi, 30% tolýyna qarai saǵat 10:00-den 22:00-ge deiin, úi-jailardaǵy qoǵamdyq tamaqtaný obektileriniń qyzmeti saǵat 9:00-den 20:00-ge deiin shekteldi», — dedi E. Marjyqpaev.
Monitoring toptarymen, jyl basynan beri 346 reid ótkizildi, 1212 obekt qamtyldy.
Ótken aptada infektsiialyq statsionarlarda, onyń ishinde aýylda oryn sany artty. Reanimatsiialyq oryndardyń jabdyqtalýy 100% quraidy. Búgingi tańda Ulttyq saraptama ortalyǵynyń biryńǵai portalymen integratsiialanǵan 6 zerthana jumys isteidi. Táýligine 1700-den 2000 deiin test ótkiziledi. Qajettiligine qarai, zerthanalardyń rezervtik qýaty táýligine 7 myńǵa deiin test ótkizýge múmkindik beredi. Bastapqy meditsinalyq-sanitariialyq kómek kórsetý uiymdarynyń qyzmeti boiynsha sharalar kúsheitildi. Jańa jylda, 18 emhana mobildi brigadalarmen halyqqa qyzmet kórsetý úshin 37 avtokólikpen qosymsha qamtamasyz etildi.
«Halyqty vaktsinalaý úshin daiyndyq jumysy júrgizilýde. “Spýtnik V” vaktsinasynyń 100 myń dozasyn saqtaý úshin 2 muzdatqysh kamerasy bar, taǵy 4 satyp alynýda. Sonymen qatar «muzdatqysh tizbekke» sáikes, 38 termokonteiner, 19 termoregistrator, 2 avtorefrejator satyp alynady», — dedi Aqmola oblysynyń ákimi.
Dárilik zattardyń qurylǵan 2 ailyq qory qajettiligine qarai paidalanady jáne jedel tártipte toltyrylady. Dárimen tegin qamtamasyz etý tártibi halyqqa jetkizildi jáne 98,7% quraidy. Búgingi tańda 61 mln teńge somasyna dárilik zattardyń 90 atalymy jetkizildi, qańtar aiynyń sońyna deiin qalǵan 180 mln teńge somasyna júk keledi. Qajetti dárilik zattardy qosymsha satyp alý úshin oblystyń turaqtandyrý qorynda 500 mln teńge qarastyryldy.
Óńirdegi epidemiologiialyq jaǵdai erekshe baqylaýda.
Qostanai oblysynyń ákimi Arhimed Muhambetov pandemiia bastalǵannan beri óńirde 672 COVID-19 jaǵdaiy tirkelgenin aitty. Qazirgi ýaqytta 1096 statsionarlyq tósek-oryn qamtamasyz etilgen, júktemesi 39,5% quraidy. Qajet bolǵan jaǵdaida, tósek-oryn sanyn 3 myńǵa deiin arttyrýǵa daiyn.
«Biylǵy 18 qańtardan bastap syrqattanýshylyqtyń ósýine bailanysty karantindik sharalar 2 apta merzimge qatańdatyldy. Máselen, oblystyń bas sanitarlyq dárigeriniń qaýlysyna birqatar ózgeris engizildi. Dini obektilerdiń qyzmeti ýaqytsha toqtatyldy. Qoǵamdyq tamaqtandyrý obektileriniń jáne Halyqqa qyzmet kórsetý ortalyqtarynyń jumysy ýaqyty boiynsha shekteldi. Senbi jáne jeksenbi kúnderi alańy 2000 sharshy metrden asatyn azyq-túliktik emes saýda obektileriniń, jabyq azyq-túlik jáne azyq-túliktik emes bazarlardyń, saýnalardyń, SPA-ortalyqtardyń, jabyq sport obektileriniń, onyń ishinde fitnes-ortalyqtardyń qyzmeti, sondai-aq qoǵamdyq kólik qozǵalysy ýaqytsha toqtatyldy», — dedi A. Muhambetov.
Karantindik sharalardyń saqtalýyn baqylaý maqsatynda monitoring toptary jyl basynan beri 942 reid júrgizdi, 2823 obekti tekserildi, 26 buzýshylyq anyqtaldy. Atalǵan faktiler boiynsha 26 ákimshilik aiyppul salyndy.
Dárihanalardy dárilik preparattarmen qamtamasyz etý maqsatynda turaqtandyrý qory 538 mln teńgege deiin ulǵaityldy.
Qazirgi ýaqytta koronavirýs infektsiiasyna qarsy jappai vaktsinatsiialaýǵa daiyndyq júrip jatyr. 72 birlik meditsinalyq maqsattaǵy muzdatqysh kamerasyn satyp alý boiynsha konkýrstyq rásimder aiaqtalyp keledi. Birinshi partiiany jetkizý aǵymdaǵy jyldyń 10 aqpanynda bastalady. Oblystyń dárihanalary men statsionarlarynda dári-dármekter men jeke qorǵanysh quraldarynyń azaitylmaityn eki ailyq qory bar.
