Qazaqstan Respýblikasy Oqý-aǵartý ministrligi elimizdegi mektepterde bitirý keshterin meiramhana, kafe, banket zaly, demalys bazasy men tabiǵat aiasynda ótkizýge tyiym salynatynyn málimdedi, dep habarlaidy ult.kz.
Ministrlik saltanatty is-sharalardy tek bilim berý uiymdarynyń qabyrǵasynda ótkizý qajet ekenin eskertti. Attestattar men diplomdardy tabystaý rásimderi de mektepte uiymdastyrylady.
Sonymen qatar ata-analardan aqsha jinaýǵa, syilyq talap etýge jáne ózge de materialdyq qundylyqtar suraýǵa jol berilmeitini aityldy.
Vedomstvo bul shekteýler oqýshylardyń qaýipsizdigin qamtamasyz etý, qoǵamdyq tártipti saqtaý jáne bilim berý uiymdarynda «Zań men tártip» qaǵidatyn nyǵaitý maqsatynda engizilgenin málimdedi.
