2020 jyl adamzat tarihynda erekshe bolýda. Búgin Ulttyq qoǵamdyq senim keńesiniń tórtinshi otyrysynda Prezident Qasym-Jomart Toqaev osylai aitty, dep habarlaidy "Ult aqparat".
«Osy jyl áli aiaqtalǵan joq, alaida biylǵy kezeń barsha adamzat tarihynda erekshe ekenin qazirdiń ózinde senimmen aitýǵa bolady. Koronavirýs pandemiiasy halyqaralyq qatynastarda kóptegen problemalardy ashty, ekonomikalyq ózara is-qimyldyń qalyptasqan ustanymdaryn qaita qaraýǵa alyp keldi, jańa áleýmettik tendentsiialardyń negizin saldy, tehnologiialyq innovatsiialardy ózektendirdi», - dedi Prezident.
Memleket basshysynyń sózine qaraǵanda, memleket institýty beriktilik pen tiimdilik turǵysynan synaqtan ótip jatyr.
«Osy jaǵdailarda kóptegen jahandyq ári óńirlik jobalardyń perspektivalary bulyńǵyr. Keńinen taraǵan ideologiialyq jáne filosofiialyq kontseptsiialar kúrdeli reviziiaǵa ushyraýda. Qoǵamdyq tájiribeler men normalar, sondai-aq adamnyń minez-qulyq modelderi eleýli transformatsiiaǵa tap bolýda», - dedi Qasym-Jomart Toqaev.
Prezidenttiń paiymynsha, osyndai daǵdarysty jaǵdaida kez kelgen memleket turaqtylyqty saqtaý men halyqtyń amandyǵyn qamtamasyz etý úshin óziniń uzaqmerzimdi ulttyq múddesi turǵysynan áreket etedi.
