2020 جىل ادامزات تاريحىندا ەرەكشە بولۋدا. بٷگٸن ۇلتتىق قوعامدىق سەنٸم كەڭەسٸنٸڭ تٶرتٸنشٸ وتىرىسىندا پرەزيدەنت قاسىم-جومارت توقاەۆ وسىلاي ايتتى, دەپ حابارلايدى "ۇلت اقپارات".
«وسى جىل ەلٸ اياقتالعان جوق, الايدا بيىلعى كەزەڭ بارشا ادامزات تاريحىندا ەرەكشە ەكەنٸن قازٸردٸڭ ٶزٸندە سەنٸممەن ايتۋعا بولادى. كوروناۆيرۋس پاندەميياسى حالىقارالىق قاتىناستاردا كٶپتەگەن پروبلەمالاردى اشتى, ەكونوميكالىق ٶزارا ٸس-قيمىلدىڭ قالىپتاسقان ۇستانىمدارىن قايتا قاراۋعا الىپ كەلدٸ, جاڭا ەلەۋمەتتٸك تەندەنتسييالاردىڭ نەگٸزٸن سالدى, تەحنولوگييالىق يننوۆاتسييالاردى ٶزەكتەندٸردٸ», - دەدٸ پرەزيدەنت.
مەملەكەت باسشىسىنىڭ سٶزٸنە قاراعاندا, مەملەكەت ينستيتۋتى بەرٸكتٸلٸك پەن تيٸمدٸلٸك تۇرعىسىنان سىناقتان ٶتٸپ جاتىر.
«وسى جاعدايلاردا كٶپتەگەن جاھاندىق ەرٸ ٶڭٸرلٸك جوبالاردىڭ پەرسپەكتيۆالارى بۇلىڭعىر. كەڭٸنەن تاراعان يدەولوگييالىق جەنە فيلوسوفييالىق كونتسەپتسييالار كٷردەلٸ رەۆيزيياعا ۇشىراۋدا. قوعامدىق تەجٸريبەلەر مەن نورمالار, سونداي-اق ادامنىڭ مٸنەز-قۇلىق مودەلدەرٸ ەلەۋلٸ ترانسفورماتسيياعا تاپ بولۋدا», - دەدٸ قاسىم-جومارت توقاەۆ.
پرەزيدەنتتٸڭ پايىمىنشا, وسىنداي داعدارىستى جاعدايدا كەز كەلگەن مەملەكەت تۇراقتىلىقتى ساقتاۋ مەن حالىقتىڭ اماندىعىن قامتاماسىز ەتۋ ٷشٸن ٶزٸنٸڭ ۇزاقمەرزٸمدٸ ۇلتتىق مٷددەسٸ تۇرعىسىنان ەرەكەت ەتەدٸ.
