Ótken jyldyń jeltoqsan aiynda Meditsinalyq saqtandyrý qoryna 10,4 mlrd teńgeden astam jarna tústi. Bul týraly «Áleýmettik meditsinalyq saqtandyrý qory» KEAQ baspasóz qyzmeti habarlady.
Habarlamaǵa súiensek, júie iske qosylǵan 2017 jyldyń 1 shildesinen 2018 jyldyń 31 jeltoqsanyna deiingi aralyqta jinaqtalǵan jarnanyń jalpy somasy 133 mlrd teńgeni qurady.
Onyń 124,3 mlrd teńgesi (shamamen 93,5%) jumys berýshilerdiń aýdarymdary bolsa, qalǵan 8,7 mlrd teńge (6,5% jýyǵy) – jeke kásipkerler men azamattyq-quqyqtyq kelisimshart negizinde eńbek etetin tulǵalarǵa tiesili.
Aimaqtyq turǵydan alǵanda, jarna tóleý jaǵynan burynǵysha Almaty, Astana qalalary men Qaraǵandy oblysy kósh bastap tur.
Esterińizge sala ketsek, jinaqtalǵan qarjy Ulttyq bankte saqtalady. Bolashaqta MÁMS paketi sheńberindegi qyzmetter aqysyn tóleýge jumsalady. Elimizdiń bas bankimen qarjyny senimgerlik basqarý týraly kelisim bekitilgen.
