ٶتكەن جىلدىڭ جەلتوقسان ايىندا مەديتسينالىق ساقتاندىرۋ قورىنا 10,4 ملرد تەڭگەدەن استام جارنا تٷستٸ. بۇل تۋرالى «ەلەۋمەتتٸك مەديتسينالىق ساقتاندىرۋ قورى» كەاق باسپاسٶز قىزمەتٸ حابارلادى.
حابارلاماعا سٷيەنسەك, جٷيە ٸسكە قوسىلعان 2017 جىلدىڭ 1 شٸلدەسٸنەن 2018 جىلدىڭ 31 جەلتوقسانىنا دەيٸنگٸ ارالىقتا جيناقتالعان جارنانىڭ جالپى سوماسى 133 ملرد تەڭگەنٸ قۇرادى.
ونىڭ 124,3 ملرد تەڭگەسٸ (شامامەن 93,5%) جۇمىس بەرۋشٸلەردٸڭ اۋدارىمدارى بولسا, قالعان 8,7 ملرد تەڭگە (6,5% جۋىعى) – جەكە كەسٸپكەرلەر مەن ازاماتتىق-قۇقىقتىق كەلٸسٸمشارت نەگٸزٸندە ەڭبەك ەتەتٸن تۇلعالارعا تيەسٸلٸ.
ايماقتىق تۇرعىدان العاندا, جارنا تٶلەۋ جاعىنان بۇرىنعىشا الماتى, استانا قالالارى مەن قاراعاندى وبلىسى كٶش باستاپ تۇر.
ەستەرٸڭٸزگە سالا كەتسەك, جيناقتالعان قارجى ۇلتتىق بانكتە ساقتالادى. بولاشاقتا مەمس پاكەتٸ شەڭبەرٸندەگٸ قىزمەتتەر اقىسىن تٶلەۋگە جۇمسالادى. ەلٸمٸزدٸڭ باس بانكٸمەن قارجىنى سەنٸمگەرلٸك باسقارۋ تۋرالى كەلٸسٸم بەكٸتٸلگەن.
