20 sáýirden bastap Nur-Sultan men Almatyda ekonomikanyń birqatar sektorlarynyń jumysy qalpyna keltiriledi, dep habarlaidy Úkimettiń resmi saity.
QR Premer-Ministri Asqar Maminniń tóraǵalyǵymen QR Prezidenti janyndaǵy Tótenshe jaǵdai rejimin qamtamasyz etý jónindegi memlekettik komissiianyń kezekti otyrysy ótti.
Eldegi sanitarlyq-epidemiologiialyq jaǵdai týraly densaýlyq saqtaý ministri E. Birtanov, Nur-Sultan jáne Almaty qalalaryndaǵy ahýal men kásipkerlik sýbektileriniń jumysyn qalpyna keltirý boiynsha usynylatyn sharalar týraly ákimder A. Kólginov pen B. Saǵyntaev baiandady.
Memlekettik komissiia Densaýlyq saqtaý ministrliginiń ustanymyn eskere otyryp, ákimderdiń usynystarynyń negizinde qatań sanitarlyq-epidemiologiialyq sharalardy saqtaýmen Nur-Sultan jáne Almaty qalalarynda kásipkerlik sýbektileriniń jumysyn kezeń-kezeńmen qalpyna keltirý týraly sheshim qabyldady.
Birinshi kezeń aiasynda biylǵy 20 sáýirden bastap ónerkásip jáne qurylys kásiporyndarynyń, sondai-aq qyzmet kórsetý salasynyń belgili-bir sektorlarynyń jumysy qalpyna keltiriledi. Olardyń jumys isteýi úshin qoiylatyn mindetti shart — sanitarlyq-epidemiologiialyq normalardy qatań saqtaý.
I kezeń aiasynda Nur-Sultan men Almaty qalalaryndaǵy jumysyn qalpyna keltiretin kásipkerlik qyzmet túrleriniń naqty tizimin Memlekettik komissiia biyl 15 sáýirde bekitedi.
Úkimet basshysy jumysyn qalpyna keltiretin nysandarda sanitarlyq-epidemiologiialyq qaýipsizdiktiń qamtamasyz etilýine, sondai-aq qyzmetkerleriniń jumys oryndarynda áleýmettik ara qashyqtyqty saqtaýyna qatań baqylaý jasaýdy tapsyrdy.
Sonymen qatar otyrysqa qatysýshylar bailanys jelileri men internet jumysyn qamtamasyz etý, munai ónimderiniń eksportyn retteý jáne basqa da máselelerdi qarastyrdy.
