20 سەۋٸردەن باستاپ نۇر-سۇلتان مەن الماتىدا ەكونوميكانىڭ بٸرقاتار سەكتورلارىنىڭ جۇمىسى قالپىنا كەلتٸرٸلەدٸ, دەپ حابارلايدى ٷكٸمەتتٸڭ رەسمي سايتى.
قر پرەمەر-مينيسترٸ اسقار ماميننٸڭ تٶراعالىعىمەن قر پرەزيدەنتٸ جانىنداعى تٶتەنشە جاعداي رەجيمٸن قامتاماسىز ەتۋ جٶنٸندەگٸ مەملەكەتتٸك كوميسسييانىڭ كەزەكتٸ وتىرىسى ٶتتٸ.
ەلدەگٸ سانيتارلىق-ەپيدەميولوگييالىق جاعداي تۋرالى دەنساۋلىق ساقتاۋ مينيسترٸ ە. بٸرتانوۆ, نۇر-سۇلتان جەنە الماتى قالالارىنداعى احۋال مەن كەسٸپكەرلٸك سۋبەكتٸلەرٸنٸڭ جۇمىسىن قالپىنا كەلتٸرۋ بويىنشا ۇسىنىلاتىن شارالار تۋرالى ەكٸمدەر ا. كٶلگٸنوۆ پەن ب. ساعىنتاەۆ باياندادى.
مەملەكەتتٸك كوميسسييا دەنساۋلىق ساقتاۋ مينيسترلٸگٸنٸڭ ۇستانىمىن ەسكەرە وتىرىپ, ەكٸمدەردٸڭ ۇسىنىستارىنىڭ نەگٸزٸندە قاتاڭ سانيتارلىق-ەپيدەميولوگييالىق شارالاردى ساقتاۋمەن نۇر-سۇلتان جەنە الماتى قالالارىندا كەسٸپكەرلٸك سۋبەكتٸلەرٸنٸڭ جۇمىسىن كەزەڭ-كەزەڭمەن قالپىنا كەلتٸرۋ تۋرالى شەشٸم قابىلدادى.
بٸرٸنشٸ كەزەڭ اياسىندا بيىلعى 20 سەۋٸردەن باستاپ ٶنەركەسٸپ جەنە قۇرىلىس كەسٸپورىندارىنىڭ, سونداي-اق قىزمەت كٶرسەتۋ سالاسىنىڭ بەلگٸلٸ-بٸر سەكتورلارىنىڭ جۇمىسى قالپىنا كەلتٸرٸلەدٸ. ولاردىڭ جۇمىس ٸستەۋٸ ٷشٸن قويىلاتىن مٸندەتتٸ شارت — سانيتارلىق-ەپيدەميولوگييالىق نورمالاردى قاتاڭ ساقتاۋ.
ٸ كەزەڭ اياسىندا نۇر-سۇلتان مەن الماتى قالالارىنداعى جۇمىسىن قالپىنا كەلتٸرەتٸن كەسٸپكەرلٸك قىزمەت تٷرلەرٸنٸڭ ناقتى تٸزٸمٸن مەملەكەتتٸك كوميسسييا بيىل 15 سەۋٸردە بەكٸتەدٸ.
ٷكٸمەت باسشىسى جۇمىسىن قالپىنا كەلتٸرەتٸن نىسانداردا سانيتارلىق-ەپيدەميولوگييالىق قاۋٸپسٸزدٸكتٸڭ قامتاماسىز ەتٸلۋٸنە, سونداي-اق قىزمەتكەرلەرٸنٸڭ جۇمىس ورىندارىندا ەلەۋمەتتٸك ارا قاشىقتىقتى ساقتاۋىنا قاتاڭ باقىلاۋ جاساۋدى تاپسىردى.
سونىمەن قاتار وتىرىسقا قاتىسۋشىلار بايلانىس جەلٸلەرٸ مەن ينتەرنەت جۇمىسىن قامتاماسىز ەتۋ, مۇناي ٶنٸمدەرٸنٸڭ ەكسپورتىن رەتتەۋ جەنە باسقا دا مەسەلەلەردٸ قاراستىردى.
