Qazaqstannyń 11 óńirinde 20 myń stýdentke arnalǵan 13 zamanaýi kolledj salý josparlanyp otyr. Bul týraly Oqý-aǵartý ministri Juldyz Súleimenova Úkimet otyrysynda málimdedi, dep habarlaidy ult.kz.
Ministrdiń aitýynsha, kolledjderde kadr daiarlaý sapasy eń aldymen olardyń materialdyq-tehnikalyq bazasyna bailanysty.
Qazirgi tańda jergilikti atqarýshy organdar men jumys berýshilerdiń qarjysy esebinen 174 kolledj, al jer qoinaýyn paidalanýshylardyń qoldaýymen taǵy 13 kolledj qajetti qural-jabdyqtarmen qamtamasyz etilgen.
Degenmen, elimizdegi 143 memlekettik kolledjdiń materialdyq-tehnikalyq bazasyn jańartý qajet.
Osy máseleni sheshý úshin jan basyna shaqqandaǵy normativtik qarjylandyrýǵa amortizatsiialyq shyǵyndardy engizý, kolledjderdi jabdyqtaýǵa jeke investitsiia tartý jáne iri kásiporyndardyń qamqorlyǵyndaǵy memlekettik kolledjderdi maqsatty túrde jańartý josparlanyp otyr.
Sonymen qatar 11 óńirde jalpy syiymdylyǵy 20 myń oryn bolatyn 13 zamanaýi kolledj boi kóteredi.
Ministr bul jobalar óńirlerdegi kolledjderdegi oryn tapshylyǵyn azaityp, jastarǵa zamanaýi ári qajetti qural-jabdyqtarmen qamtamasyz etilgen ortada sapaly kásiptik bilim alýǵa múmkindik beretinin atap ótti.
