قازاقستاننىڭ 11 ٶڭٸرٸندە 20 مىڭ ستۋدەنتكە ارنالعان 13 زاماناۋي كوللەدج سالۋ جوسپارلانىپ وتىر. بۇل تۋرالى وقۋ-اعارتۋ مينيسترٸ جۇلدىز سٷلەيمەنوۆا ٷكٸمەت وتىرىسىندا مەلٸمدەدٸ, دەپ حابارلايدى ult.kz.
مينيستردٸڭ ايتۋىنشا, كوللەدجدەردە كادر دايارلاۋ ساپاسى ەڭ الدىمەن ولاردىڭ ماتەريالدىق-تەحنيكالىق بازاسىنا بايلانىستى.
قازٸرگٸ تاڭدا جەرگٸلٸكتٸ اتقارۋشى ورگاندار مەن جۇمىس بەرۋشٸلەردٸڭ قارجىسى ەسەبٸنەن 174 كوللەدج, ال جەر قويناۋىن پايدالانۋشىلاردىڭ قولداۋىمەن تاعى 13 كوللەدج قاجەتتٸ قۇرال-جابدىقتارمەن قامتاماسىز ەتٸلگەن.
دەگەنمەن, ەلٸمٸزدەگٸ 143 مەملەكەتتٸك كوللەدجدٸڭ ماتەريالدىق-تەحنيكالىق بازاسىن جاڭارتۋ قاجەت.
وسى مەسەلەنٸ شەشۋ ٷشٸن جان باسىنا شاققانداعى نورماتيۆتٸك قارجىلاندىرۋعا امورتيزاتسييالىق شىعىنداردى ەنگٸزۋ, كوللەدجدەردٸ جابدىقتاۋعا جەكە ينۆەستيتسييا تارتۋ جەنە ٸرٸ كەسٸپورىنداردىڭ قامقورلىعىنداعى مەملەكەتتٸك كوللەدجدەردٸ ماقساتتى تٷردە جاڭارتۋ جوسپارلانىپ وتىر.
سونىمەن قاتار 11 ٶڭٸردە جالپى سىيىمدىلىعى 20 مىڭ ورىن بولاتىن 13 زاماناۋي كوللەدج بوي كٶتەرەدٸ.
مينيستر بۇل جوبالار ٶڭٸرلەردەگٸ كوللەدجدەردەگٸ ورىن تاپشىلىعىن ازايتىپ, جاستارعا زاماناۋي ەرٸ قاجەتتٸ قۇرال-جابدىقتارمەن قامتاماسىز ەتٸلگەن ورتادا ساپالى كەسٸپتٸك بٸلٸم الۋعا مٷمكٸندٸك بەرەتٸنٸن اتاپ ٶتتٸ.
