20-21 jeltoqsanda birinshi Ortalyq Aziia media forýmy ótedi

Jeltoqsan aiynyń 20-21 kúnderi Astana qalasynda birinshi Ortalyq Aziia media forýmy ótedi.

Forým aiasynda media mamandar men tanymal sarapshylar óńirdegi mediany damytýdyń ózekti máselelerin talqylap, Ortalyq Aziiada ortaq media keńistik qurý ideiasyn saraptaidy.

Ortalyq Aziia Media Forýmynyń kún tártibindegi basty másele – biryńǵai media platforma qalyptastyrý. Is-sharaǵa 100-den astam  spiker qatysady. Bul - halyqaralyq deńgeidegi belgili ǵalymdar, saiasatkerler, jýrnalister, bedeldi sarapshylar men media salasyndaǵy halyqaralyq uiymdardyń ókilderi.

Birinshi Ortalyq Aziia media forýmynyń qatysýshylary óńirlik biregeilik, jańa mediany damytý, jasandy intellekt tehnologiialaryn mediada qoldaný, Ortalyq Aziiadaǵy kreativti indýstriianyń damýy, post-shyndyq kezeńindegi aqparattyq qaýipsizdik, media salasyndaǵy bilim berý tranformatsiiasy, ózara yntymaqtastyqtaǵy halyqaralyq uiymdardyń orny, azamattyq qoǵamdy damytýdaǵy genderlik teńdiktiń róli, óńirlik jáne jahandyq kooperatsiia múmkindikteri siiaqty kókeikesti máselelerdi sóz etpek. 

Forýmnyń paneldik sessiiasynda Túrkiianyń 11-Prezidenti Abdolla Gúl, Monǵoliianyń 3-Prezidenti Nambaryn Enhbaiar óz oilaryn ortaǵa salady. 

Is-sharanyń hedlaineri - amerikalyq New York Times-tyń 4 márte bestseller iegeri, qazaq qyzy, búrkitshi Aisholpan jaily  jazylǵan  “Eagle Huntress” kitabynyń avtory Liz Ýelsh, gollivýd akteri, áigili boksshy Roi Djons, YouTube jelisinde 18 milliard qaralym jiǵan dúnie júzindegi balalarǵa arnalǵan eń tanymal dBillions jobasynyń avtory Ernis Ýmetaliev jáne Pýlittser syilyǵynyń iegerleri. 

Sonymen qatar, is-sharaǵa Túrki memleketteri uiymy, Islam Yntymaqtastyǵy uiymy, Túrki memleketteriniń Parlamenttik Assambleiasy, TÚRKSOI, AYÓSShK, BUU, IýNESKO, IýNISEF, UNFPA, EQYU Qazaqstandaǵy ókildikteri qatysady.  

Tanymal qazaqstandyq ánshi Dimash Qudaibergen BUU rezoliýtsiia arqyly bekitken 21 qyrkúiektegi “Halyqaralyq beibitshilik kúniniń” jáne álemdik “Peace one day” jobasynyń avtory Djeremi Gillimen birge beibitshilik ideiasy boiynsha arnaiy sessiia ótkizedi.