.png)
جەلتوقسان ايىنىڭ 20-21 كٷندەرٸ استانا قالاسىندا بٸرٸنشٸ ورتالىق ازييا مەديا فورۋمى ٶتەدٸ.
فورۋم اياسىندا مەديا ماماندار مەن تانىمال ساراپشىلار ٶڭٸردەگٸ مەديانى دامىتۋدىڭ ٶزەكتٸ مەسەلەلەرٸن تالقىلاپ, ورتالىق ازييادا ورتاق مەديا كەڭٸستٸك قۇرۋ يدەياسىن ساراپتايدى.
ورتالىق ازييا مەديا فورۋمىنىڭ كٷن تەرتٸبٸندەگٸ باستى مەسەلە – بٸرىڭعاي مەديا پلاتفورما قالىپتاستىرۋ. ٸس-شاراعا 100-دەن استام سپيكەر قاتىسادى. بۇل - حالىقارالىق دەڭگەيدەگٸ بەلگٸلٸ عالىمدار, ساياساتكەرلەر, جۋرناليستەر, بەدەلدٸ ساراپشىلار مەن مەديا سالاسىنداعى حالىقارالىق ۇيىمداردىڭ ٶكٸلدەرٸ.
بٸرٸنشٸ ورتالىق ازييا مەديا فورۋمىنىڭ قاتىسۋشىلارى ٶڭٸرلٸك بٸرەگەيلٸك, جاڭا مەديانى دامىتۋ, جاساندى ينتەللەكت تەحنولوگييالارىن مەديادا قولدانۋ, ورتالىق ازيياداعى كرەاتيۆتٸ يندۋسترييانىڭ دامۋى, پوست-شىندىق كەزەڭٸندەگٸ اقپاراتتىق قاۋٸپسٸزدٸك, مەديا سالاسىنداعى بٸلٸم بەرۋ ترانفورماتسيياسى, ٶزارا ىنتىماقتاستىقتاعى حالىقارالىق ۇيىمداردىڭ ورنى, ازاماتتىق قوعامدى دامىتۋداعى گەندەرلٸك تەڭدٸكتٸڭ رٶلٸ, ٶڭٸرلٸك جەنە جاھاندىق كووپەراتسييا مٷمكٸندٸكتەرٸ سيياقتى كٶكەيكەستٸ مەسەلەلەردٸ سٶز ەتپەك.
فورۋمنىڭ پانەلدٸك سەسسيياسىندا تٷركييانىڭ 11-پرەزيدەنتٸ ابدوللا گٷل, مونعولييانىڭ 3-پرەزيدەنتٸ نامبارىن ەنحبايار ٶز ويلارىن ورتاعا سالادى.
ٸس-شارانىڭ حەدلاينەرٸ - امەريكالىق New York Times-تىڭ 4 مەرتە بەستسەللەر يەگەرٸ, قازاق قىزى, بٷركٸتشٸ ايشولپان جايلى جازىلعان “Eagle Huntress” كٸتابىنىڭ اۆتورى ليز ۋەلش, گولليۆۋد اكتەرٸ, ەيگٸلٸ بوكسشى روي دجونس, YouTube جەلٸسٸندە 18 ميلليارد قارالىم جيعان دٷنيە جٷزٸندەگٸ بالالارعا ارنالعان ەڭ تانىمال dBillions جوباسىنىڭ اۆتورى ەرنيس ۋمەتاليەۆ جەنە پۋليتتسەر سىيلىعىنىڭ يەگەرلەرٸ.
سونىمەن قاتار, ٸس-شاراعا تٷركٸ مەملەكەتتەرٸ ۇيىمى, يسلام ىنتىماقتاستىعى ۇيىمى, تٷركٸ مەملەكەتتەرٸنٸڭ پارلامەنتتٸك اسسامبلەياسى, تٷركسوي, اىٶسشك, بۇۇ, يۋنەسكو, يۋنيسەف, UNFPA, ەقىۇ قازاقستانداعى ٶكٸلدٸكتەرٸ قاتىسادى.
تانىمال قازاقستاندىق ەنشٸ ديماش قۇدايبەرگەن بۇۇ رەزوليۋتسييا ارقىلى بەكٸتكەن 21 قىركٷيەكتەگٸ “حالىقارالىق بەيبٸتشٸلٸك كٷنٸنٸڭ” جەنە ەلەمدٸك “Peace one day” جوباسىنىڭ اۆتورى دجەرەمي گيلليمەن بٸرگە بەيبٸتشٸلٸك يدەياسى بويىنشا ارنايى سەسسييا ٶتكٸزەدٸ.
