Aldaǵy 2 jyldyń ishinde Jambyl oblysy turǵyndarynyń 95 paiyzy gazben qamtamasyz etiledi. Bul týraly búgin Úkimet otyrysynda Jambyl oblysynyń ákimi Berdibek Saparbaev aitty, dep habarlaidy "Ult aqparat".
«Qazirgi tańda óńir halqyn gazben qamtamasyz etý jaman emes. Búgingi esep boiynsha oblys turǵyndaryn gazben qamtamasyz etý 88,6 paiyzdy quraidy. Tek osy jyldyń ózinde 14 mln teńge bólinip, sonyń arqasynda 45 eldi meken gazben qamtamasyz etildi. Qordai aýdanynda 2 joba iske asyrylyp jatyr. Onyń biri Masanshy, Qarakemer, Aýqat syndy 10 eldi mekendi, ekinshisi Otar, Kenen syndy 12 aýyldy qamtidy. Osy jobanyń arqasynda Qordai aýdanynda halyqty gazben qamtý 95 paiyz bolady», - dedi oblys basshysy.
Sonymen qatar ol elimizdiń Energetika ministrligine óńir turǵyndaryn kógildir otynmen qamtýǵa baǵyttalǵan jobalar pysyqtaýǵa berilgendigin aitty.
«Jalpy turǵyndardy gazben qamtamasyz etý baqylaýymyzda tur. Úkimet qoldaýymen aldaǵy 2 jyldyń ishinde óńirdegi turǵyndardyń 95 paiyzyn kógildir otymen qamtamasyz etýdi maqsat etip otyrmyz», - dedi Berdibek Saparbaev.
