الداعى 2 جىلدىڭ ٸشٸندە جامبىل وبلىسى تۇرعىندارىنىڭ 95 پايىزى گازبەن قامتاماسىز ەتٸلەدٸ. بۇل تۋرالى بٷگٸن ٷكٸمەت وتىرىسىندا جامبىل وبلىسىنىڭ ەكٸمٸ بەردٸبەك ساپارباەۆ ايتتى, دەپ حابارلايدى "ۇلت اقپارات".
«قازٸرگٸ تاڭدا ٶڭٸر حالقىن گازبەن قامتاماسىز ەتۋ جامان ەمەس. بٷگٸنگٸ ەسەپ بويىنشا وبلىس تۇرعىندارىن گازبەن قامتاماسىز ەتۋ 88,6 پايىزدى قۇرايدى. تەك وسى جىلدىڭ ٶزٸندە 14 ملن تەڭگە بٶلٸنٸپ, سونىڭ ارقاسىندا 45 ەلدٸ مەكەن گازبەن قامتاماسىز ەتٸلدٸ. قورداي اۋدانىندا 2 جوبا ٸسكە اسىرىلىپ جاتىر. ونىڭ بٸرٸ ماسانشى, قاراكەمەر, اۋقات سىندى 10 ەلدٸ مەكەندٸ, ەكٸنشٸسٸ وتار, كەنەن سىندى 12 اۋىلدى قامتيدى. وسى جوبانىڭ ارقاسىندا قورداي اۋدانىندا حالىقتى گازبەن قامتۋ 95 پايىز بولادى», - دەدٸ وبلىس باسشىسى.
سونىمەن قاتار ول ەلٸمٸزدٸڭ ەنەرگەتيكا مينيسترلٸگٸنە ٶڭٸر تۇرعىندارىن كٶگٸلدٸر وتىنمەن قامتۋعا باعىتتالعان جوبالار پىسىقتاۋعا بەرٸلگەندٸگٸن ايتتى.
«جالپى تۇرعىنداردى گازبەن قامتاماسىز ەتۋ باقىلاۋىمىزدا تۇر. ٷكٸمەت قولداۋىمەن الداعى 2 جىلدىڭ ٸشٸندە ٶڭٸردەگٸ تۇرعىنداردىڭ 95 پايىزىن كٶگٸلدٸر وتىمەن قامتاماسىز ەتۋدٸ ماقسات ەتٸپ وتىرمىز», - دەدٸ بەردٸبەك ساپارباەۆ.
