«Qazaqtaný» zertteý institýtynyń direktory Baqtybai Jumadildin bolshevikter bilikke kelgenge deiin qazaq dalasynda 100 mln bas mal bolǵanyn aitty, dep habarlaidy QazAqparat tilshisi.
Ulttyq mýzeide ótken «Uly dalanyń uly tulǵalary» atty tarihi-tanymdyq dóńgelek ústel barysynda tarihshylar saiasi súrginniń qazaqty attan túsirip, malyn qurtýdan bastalǵanyn aitty.
«Keibir derekterde HH ǵasyrdyń basynda qazaq dalasynda 100 mln bas mal bolǵanyn aitady. Osynyń sońyna túsip, zerttep jatqan eshkim joq. Al 1917 jylǵy sanaqta qazaqtardyń qolynda 72 mln bas mal bolǵan. 1928 jyly ol 40 mln basqa tústi. Odan keiingi 3 jylda álgi 40 mln maldan 4,5 mln bas qaldy», deidi tarihshy jýrnalist.
Qazaqtanýshy ǵalym oqýshylarǵa «bai» degen uǵymnyń máni múlde burmalanyp ketkenin de aitty.
«Bai» degen sózdiń túpki maǵynasy «er», «qolynan is keletin azamat» degendi bildiredi. Túrikterdiń myrzany «bei» deitini soǵan dálel. Osyndai aiaýly uǵymdy bolshevikter sanamyzǵa tap retinde tańyp, «qanaýshy» degen mán ústep jiberdi. Sol bailardy qýdalap, qurtý arqyly qazaqty bassyz qaldyrdy», - dedi tarihshy.
