Er adamǵa Pentagon mańynda turǵan avtokólikti jarmaq boldy degen aiyp taǵylyp, federaldyq sot aldynda jaýapqa tartyldy, dep habarlaidy Reuters agenttigi.
Pentagon turaǵyndaǵy avtokólikke órt qoimaq bolǵan Arkanzas shtatynyń 19 jastaǵy turǵyny Metiý Dmitri Richardsondy dúisenbi kúni Pentagon politseileri ustady.
Sot qujattaryndaǵy derek boiynsha, politsiia ofitseri jasóspirimniń kóliktiń benzin bagyna matanyń bir bóligin salyp, ony tutatpaq bolǵanyn baiqaǵan. Jarylys bolǵan joq.
Richardson ofitserge «kólikti jarǵysy keletinin» jetkizgen. Ofitser ony tutqyndamaq bolǵan kezde ol Arlington ulttyq ziratynyń qorshaýynan asyp túsip, qashyp ketken. Bir saǵat ótkennen keiin ony Pentagon qaýipsizdik qyzmetiniń qyzmetkerleri qolǵa túsirdi.
Kúdiktige aram piǵylmen avtokólikke ot qoiyp, joiyp jibermek boldy degen aiyp taǵyldy.
