ەر ادامعا پەنتاگون ماڭىندا تۇرعان اۆتوكٶلٸكتٸ جارماق بولدى دەگەن ايىپ تاعىلىپ, فەدەرالدىق سوت الدىندا جاۋاپقا تارتىلدى, دەپ حابارلايدى Reuters اگەنتتٸگٸ.
پەنتاگون تۇراعىنداعى اۆتوكٶلٸككە ٶرت قويماق بولعان اركانزاس شتاتىنىڭ 19 جاستاعى تۇرعىنى مەتيۋ دميتري ريچاردسوندى دٷيسەنبٸ كٷنٸ پەنتاگون پوليتسەيلەرٸ ۇستادى.
سوت قۇجاتتارىنداعى دەرەك بويىنشا, پوليتسييا وفيتسەرٸ جاسٶسپٸرٸمنٸڭ كٶلٸكتٸڭ بەنزين باگىنا ماتانىڭ بٸر بٶلٸگٸن سالىپ, ونى تۇتاتپاق بولعانىن بايقاعان. جارىلىس بولعان جوق.
ريچاردسون وفيتسەرگە «كٶلٸكتٸ جارعىسى كەلەتٸنٸن» جەتكٸزگەن. وفيتسەر ونى تۇتقىنداماق بولعان كەزدە ول ارلينگتون ۇلتتىق زيراتىنىڭ قورشاۋىنان اسىپ تٷسٸپ, قاشىپ كەتكەن. بٸر ساعات ٶتكەننەن كەيٸن ونى پەنتاگون قاۋٸپسٸزدٸك قىزمەتٸنٸڭ قىزمەتكەرلەرٸ قولعا تٷسٸردٸ.
كٷدٸكتٸگە ارام پيعىلمەن اۆتوكٶلٸككە وت قويىپ, جويىپ جٸبەرمەك بولدى دەگەن ايىپ تاعىلدى.
