قازاقستاننىڭ بەس قالاسىندا ەرقايسىسى 200 تٶسەككە ارنالعان زاماناۋي بالالار اۋرۋحاناسى سالىنادى. مەديتسينالىق مەكەمەلەر اتىراۋ, اقتٶبە, الماتى, شىمكەنت جەنە قاسكەلەڭ قالالارىندا بوي كٶتەرەدٸ. جوبالارعا سەيكەس, بالالار ٶز ٶڭٸرٸندە مامانداندىرىلعان مەديتسينالىق كٶمەك الا الادى, دەپ حابارلايدى ult.kz.
اۋرۋحانالاردىڭ قۇرىلىسى مەسەلەسٸ دەنساۋلىق ساقتاۋ ۆيتسە-مينيسترٸ تيمۋر مۋراتوۆتىڭ ازييا دامۋ بانكٸ جەنە ازييا ينفراقۇرىلىمدىق ينۆەستيتسييالار بانكٸ ٶكٸلدەرٸمەن كەزدەسۋٸندە تالقىلاندى.
ۆيتسە-مينيستردٸڭ ايتۋىنشا, نەگٸزگٸ ماقسات – بالالاردىڭ تۇرعىلىقتى جەرٸنە قاراماستان, ساپالى مەديتسينالىق كٶمەككە قول جەتكٸزۋٸنە جاعداي جاساۋ. جاڭا اۋرۋحانالار ٶڭٸرلەردەگٸ بالالار مەديتسيناسىنىڭ مٷمكٸندٸكتەرٸن كەڭەيتپەك.
الماتىدا تاعى بٸر ٸرٸ گوسپيتال سالىنۋى مٷمكٸن
بۇدان بٶلەك, الماتى قالاسىندا 500 تٶسەكتٸك رەسپۋبليكالىق عىلىمي بالالار گوسپيتالٸن سالۋ مەسەلەسٸ قاراستىرىلىپ جاتىر. دەنساۋلىق ساقتاۋ مينيسترلٸگٸ بۇل جوبا بويىنشا دا حالىقارالىق قارجى ۇيىمدارىمەن ەرٸپتەستٸك ورناتۋ مٷمكٸندٸكتەرٸن پىسىقتاۋدا.
قازٸر مينيسترلٸك مٷددەلٸ مەملەكەتتٸك ورگاندارمەن بٸرلەسٸپ, جوبالىق قۇجاتتامانى ەزٸرلەۋ جەنە قارجىلاندىرۋ تەتٸكتەرٸن انىقتاۋ جۇمىستارىن جٷرگٸزٸپ جاتىر.
كەزدەسۋ بارىسىندا قازاقستانداعى مەديتسينالىق كٶمەكتٸ جوسپارلاۋ مەن ۇيىمداستىرۋ جٷيەسٸن جەتٸلدٸرۋگە باعىتتالعان HOPE تەحنيكالىق كٶمەك جوباسى دا تالقىلاندى.
تاراپتار ينۆەستيتسييالىق باعدارلامانى دايىنداۋ جەنە ونى ٸسكە اسىرۋدىڭ كەلەسٸ كەزەڭدەرٸ بويىنشا بٸرلەسكەن جۇمىستى جالعاستىرۋعا كەلٸستٸ. جوبالار بالالارعا تۇرعىلىقتى ٶڭٸرٸندە زاماناۋي مەديتسينالىق كٶمەك كٶرسەتۋ مٷمكٸندٸگٸن ارتتىرۋعا باعىتتالعان.
