شارىن شاتقالى The Worldworthy 100 – 2026 حالىقارالىق رەيتينگٸندە 17-ورىنعا يە بولدى. اتالعان رەيتينگتە ەلەمنٸڭ ٷزدٸك 100 كانونى مەن شاتقالى انىقتالادى. سونىمەن قاتار شارىن شاتقالى قازاقستانداعى نىساندار اراسىندا ەڭ جوعارى ورىنعا يە بولدى, دەپ حابارلايدى ult.kz Kazakh Tourism-گە سٸلتەمە جاساپ.
الماتى وبلىسىندا ورنالاسقان شارىن شاتقالى شارىن ٶزەنٸنٸڭ بويىمەن 154 شاقىرىمعا سوزىلىپ جاتىر. ول بٸرەگەي تابيعي لاندشافتارى مەن ٶڭٸردٸڭ بيوالۋانتٷرلٸلٸگٸن ساقتاۋ ماقساتىندا قۇرىلعان شارىن مەملەكەتتٸك ۇلتتىق تابيعي پاركٸنٸڭ قۇرامىنا كٸرەدٸ.
رەيتينگ قورىتىندىسى بويىنشا The Worldworthy 100 رەداكتسيياسى ۇلتتىق پارككە لاۋرەات سەرتيفيكاتىن جولدادى. بۇل قۇجات تابيعي نىساننىڭ حالىقارالىق دەڭگەيدە مويىندالعانىن راستايدى.
Worldworthy – ەلەمدەگٸ ٷزدٸك تابيعي, مەدەني جەنە تۋريستٸك نىسانداردىڭ رەيتينگتەرٸن جارييالايتىن تەۋەلسٸز حالىقارالىق باسىلىم. تٸزٸمدەر ساياحاتشىلاردىڭ پٸكٸرلەرٸ مەن ۇسىنىستارىنا, تۋريستٸك نۇسقاۋلىقتار مەن باق-تاعى اتالىمدارعا, سونداي-اق اشىق دەرەكتەرگە نەگٸزدەلٸپ جاسالادى. 2026 جىلعى كانوندار مەن شاتقالدار رەيتينگٸنە 46 ەلدٸڭ 100 نىسانى ەندٸ.
