Sharyn shatqaly The Worldworthy 100 – 2026 halyqaralyq reitinginde 17-orynǵa ie boldy. Atalǵan reitingte álemniń úzdik 100 kanony men shatqaly anyqtalady. Sonymen qatar Sharyn shatqaly Qazaqstandaǵy nysandar arasynda eń joǵary orynǵa ie boldy, dep habarlaidy ult.kz Kazakh Tourism-ge silteme jasap.
Almaty oblysynda ornalasqan Sharyn shatqaly Sharyn ózeniniń boiymen 154 shaqyrymǵa sozylyp jatyr. Ol biregei tabiǵi landshaftary men óńirdiń bioalýantúrliligin saqtaý maqsatynda qurylǵan Sharyn memlekettik ulttyq tabiǵi parkiniń quramyna kiredi.
Reiting qorytyndysy boiynsha The Worldworthy 100 redaktsiiasy ulttyq parkke laýreat sertifikatyn joldady. Bul qujat tabiǵi nysannyń halyqaralyq deńgeide moiyndalǵanyn rastaidy.
Worldworthy – álemdegi úzdik tabiǵi, mádeni jáne týristik nysandardyń reitingterin jariialaityn táýelsiz halyqaralyq basylym. Tizimder saiahatshylardyń pikirleri men usynystaryna, týristik nusqaýlyqtar men BAQ-taǵy atalymdarǵa, sondai-aq ashyq derekterge negizdelip jasalady. 2026 jylǵy kanondar men shatqaldar reitingine 46 eldiń 100 nysany endi.
