Midjourney
Jyl basynan beri Qazaqstanda balalar saýdasyna qatysty 19 qylmystyq is tirkeldi. Olardyń bári jańa týǵan sábidi zańsyz asyrap alý kelisimine bailanysty, - dep habarlaidy Tengrinews.kz .
Adam saýdasymen kúres basqarmasy bastyǵynyń orynbasary Shynar Kósherbaevanyń aitýynsha, nárestelerdi satý derekteri Qazaqstannyń barlyq derlik óńirinde anyqtalǵan.
Shema mynadai: bir jaqta bala súie almai júrgen otbasylar, ekinshi jaqta jańa týǵan sábiden bas tartýǵa daiyn áielder. Al olardyń arasynda paida úshin eki jaqty tabystyratyn deldaldar bar.
"Balalardy shetelge shyǵarý derekteri tirkelgen joq. Barlyq mámile el ishinde júrgen. Jaýapkershilikti balany satqandar da, ony satyp alǵandar da kóteredi", – dedi Kósherbaeva.
Politseidiń aitýynsha, sábiden bas tartatyndardyń arasynda qalaǵa kelgen, aýyr qarjylyq jaǵdaida qalǵan qyzdar bar. Keibir otbasylar da náresteni asyrai almaityndyqtan osyndai qadamǵa barady.
Quqyq qorǵaýshylardyń dereginshe, nárestelerdi zańsyz satý mámilesiniń ortasha baǵasy 500 myńnan 1,5 million teńgege deiin ózgeredi.
Aita ketetin jait, 2025 jyldyń basynan beri Qazaqstanda Qylmystyq kodekstiń 135-baby "Adam saýdasy" boiynsha 19 qylmystyq is tirkelgen.
