Qazaqstannyń Qarjy naryǵyn retteý jáne damytý agenttigi kollektorlyq agenttikter men lombardtardyń qyzmetin tekseretin bolady, dep habarlaidy ult.kz.
Agenttik tóraǵasy Madina Ábilqasymovanyń aitýynsha, azamattarǵa qaita-qaita qońyraý shalyp, mazasyn alatyn keibir kollektorlyq agenttikterdiń naryqtaǵy qyzmeti toqtatylýy múmkin.
Sonymen qatar, retteýshi lombardtardyń jumysyn da zerdelep jatyr. Buǵan atalǵan uiymdardyń qyzmetine júginetin klientter sanynyń artýy sebep bolǵan.
Qazirgi ýaqytta agenttik lombardtardyń qyzmetine taldaý júrgizýde. Tekserý nátijeleri boiynsha tiisti sheshimder qabyldanady.
