Er adam kásipkerge ózinde bolmaǵan 36 temirjol vagonyn jalǵa berýge ýáde berip, 18,5 mln teńge alǵan, dep habarlaidy ult.kz.
Qylmystyq ister jónindegi kassatsiialyq sotynyń málimetinshe, 2022 jylǵy qyrkúiekte ol vagondardyń seriialyq nómirleri kórsetilgen tizimdi usynyp, jalǵan kepildik hat jibergen. Alaida vagondardy jetkizýge naqty múmkindigi bolmaǵan.
Birinshi satydaǵy sot er adamdy asa iri mólsherdegi alaiaqtyq úshin 7 jylǵa bas bostandyǵynan aiyrǵan. Kassatsiialyq sot úkimdi ózgerissiz qaldyryp, onyń aqtalý týraly shaǵymyn qanaǵattandyrmady.
