Qazaqstanda mefedron óndirýmen jáne taratýmen ainalysqan qylmystyq toptyń uiymdastyrýshysy Reseiden ekstraditsiialandy. Tergeý dereginshe, onyń nusqaýymen Almatyda birneshe esirtki zerthanasy jumys istegen. Zerthanalardyń birinde eki adam himiialyq zattardan ýlanyp, kóz jumǵan, dep habarlaidy ult.kz.
Bas prokýratýranyń málimetinshe, kúdikti 2021 jyldan bastap qarjylyq qiyndyqqa tap bolǵan adamdardy qylmystyq áreketke tartqan. Top músheleri psihotroptyq zattardy óndirý, tasymaldaý, oraý jáne taratý jumystarymen ainalysqan. Olardyń áreketteri Telegram arqyly úilestirilgen.
2024 jyly uiymdastyrýshynyń nusqaýymen Almatyda birneshe esirtki zerthanasy jabdyqtalǵan. Eki qatysýshynyń qaza tapqanyna qaramastan, top jańa adamdardy tartyp, zańsyz áreketin jalǵastyrǵan.
2024 jylǵy 19 qyrkúiekte politsiia zerthanalardyń biriniń jumysyn toqtatty. Tintý kezinde 24 keliden astam himiialyq zat, jabdyqtar, qorǵanysh quraldary jáne daiyn ónim tárkilengen.
Kúdikti 2025 jylǵy shildede Reseide ustalyp, Qazaqstan Bas prokýratýrasynyń suraýy boiynsha elge ekstraditsiialandy. Qazir ol tergeý izoliatorynda qamaýda otyr.
Oǵan taǵylǵan aiyptar boiynsha múlki tárkilenip, 20 jylǵa deiin bas bostandyǵynan aiyrý jazasy kózdelgen.
