قازاقستاندا مەفەدرون ٶندٸرۋمەن جەنە تاراتۋمەن اينالىسقان قىلمىستىق توپتىڭ ۇيىمداستىرۋشىسى رەسەيدەن ەكستراديتسييالاندى. تەرگەۋ دەرەگٸنشە, ونىڭ نۇسقاۋىمەن الماتىدا بٸرنەشە ەسٸرتكٸ زەرتحاناسى جۇمىس ٸستەگەن. زەرتحانالاردىڭ بٸرٸندە ەكٸ ادام حيمييالىق زاتتاردان ۋلانىپ, كٶز جۇمعان, دەپ حابارلايدى ult.kz.
باس پروكۋراتۋرانىڭ مەلٸمەتٸنشە, كٷدٸكتٸ 2021 جىلدان باستاپ قارجىلىق قيىندىققا تاپ بولعان ادامداردى قىلمىستىق ەرەكەتكە تارتقان. توپ مٷشەلەرٸ پسيحوتروپتىق زاتتاردى ٶندٸرۋ, تاسىمالداۋ, وراۋ جەنە تاراتۋ جۇمىستارىمەن اينالىسقان. ولاردىڭ ەرەكەتتەرٸ Telegram ارقىلى ٷيلەستٸرٸلگەن.
2024 جىلى ۇيىمداستىرۋشىنىڭ نۇسقاۋىمەن الماتىدا بٸرنەشە ەسٸرتكٸ زەرتحاناسى جابدىقتالعان. ەكٸ قاتىسۋشىنىڭ قازا تاپقانىنا قاراماستان, توپ جاڭا ادامداردى تارتىپ, زاڭسىز ەرەكەتٸن جالعاستىرعان.
2024 جىلعى 19 قىركٷيەكتە پوليتسييا زەرتحانالاردىڭ بٸرٸنٸڭ جۇمىسىن توقتاتتى. تٸنتۋ كەزٸندە 24 كەلٸدەن استام حيمييالىق زات, جابدىقتار, قورعانىش قۇرالدارى جەنە دايىن ٶنٸم تەركٸلەنگەن.
كٷدٸكتٸ 2025 جىلعى شٸلدەدە رەسەيدە ۇستالىپ, قازاقستان باس پروكۋراتۋراسىنىڭ سۇراۋى بويىنشا ەلگە ەكستراديتسييالاندى. قازٸر ول تەرگەۋ يزولياتورىندا قاماۋدا وتىر.
وعان تاعىلعان ايىپتار بويىنشا مٷلكٸ تەركٸلەنٸپ, 20 جىلعا دەيٸن باس بوستاندىعىنان ايىرۋ جازاسى كٶزدەلگەن.
