Shymkenttegi jekemenshik mekteptiń informatika muǵalimi birinshi synyp oqýshysyna jynystyq sipattaǵy áreket jasady dep aiyptaldy. Alaida is Qylmystyq kodekstiń jeńilirek jaza kózdeitin baby boiynsha qaralyp jatyr, dep habarlaidy ult.kz.
HALYQSTAN Telegram arnasynyń málimetinshe, 36 jastaǵy muǵalimniń áreketi synyptaǵy beinebaqylaý kamerasyna túsip qalǵan. Balanyń anasy politsiiaǵa aryzdanǵan. Onyń aitýynsha, oqiǵadan keiin qyzy mektepke barýdan qorqyp, jii jylai bastaǵan. Otbasy psiholog kómegine júgingen.
Politsiia kúdiktiniń áreketin Qylmystyq kodekstiń 121-1-baby — 16 jasqa tolmaǵan balaǵa seksýaldyq sipattaǵy tiisý boiynsha saralaǵan. Alaida isti qaraǵan sot árekette budan da aýyr qylmystyń belgileri bolýy múmkin dep, ony qosymsha tergeýge qaitarǵan.
Keiin apelliatsiialyq sot bul sheshimniń kúshin joiyp, isti qaita qaraýǵa jibergen. Osylaisha, is 121-1-bap boiynsha qaralatyn boldy. Bul bap boiynsha qoǵamdyq nemese túzeý jumystary túrindegi jaza taǵaiyndalýy múmkin.
Muǵalim óz kinásin moiyndamai otyr.
